താമസസ്ഥലത്ത് കുഴഞ്ഞു വീണ് മരിച്ച കൊല്ലം പള്ളിത്തോട്ടം സ്വദേശിയുടെ മൃതദേഹം റിയാദില്‍ ഖബറടക്കി
01 MAY 2024 08:30 AM IST
മലയാളി വാര്‍ത്ത
താമസസ്ഥലത്ത് കുഴഞ്ഞു വീണ് മരിച്ച കൊല്ലം പള്ളിത്തോട്ടം സ്വദേശിയുടെ മൃതദേഹം റിയാദില്‍ ഖബറടക്കി. എം.എ.ആര്‍ ഹൗസില്‍ സജീവ് അബ്ദുല്‍ റസാഖിന്റെ (47) മൃതദേഹമാണ് റിയാദില്‍ ഖബറടക്കിയത്.
കഴിഞ്ഞ ദിവസം രാത്രി ഇഷാ നമസ്‌ക്കാരത്തിന് ശേഷം നസീമിലെ ഹയ്യുല്‍ സലാം മഖ്ബറയിലാണ് ഖബറടക്കിയത്. എക്‌സിസ്റ്റ് 15 ലെ അല്‍ രാജ്ഹി പള്ളിയില്‍ നടന്ന മയ്യിത്ത് നമസ്‌കാരത്തിലും ഖബറടക്കത്തിലും സജീവിന്റെ സ്‌പോണ്‍സര്‍ അഹമ്മദ് അബ്ദുല്ല അല്‍ ഹര്‍ബി, ബന്ധുക്കളായ ഡോ. ഷെഫീഖ് (ജിദ്ദ നാഷനല്‍ ആശുപത്രി), സജീദ്, കെ.എം.സി.സി ഭാരവാഹികളായ റിയാസ്, റഫീഖ്, സുഹൃത്തുക്കളായ നസീം, അജി, ഷിബു, അന്‍വര്‍, ബാല, മുനീര്‍, മാലിക്, സുഹൈല്‍, മുഹമ്മദ് ഷാ, നാഷിം തുടങ്ങിയവര്‍ പങ്കെടുത്തു.
മരണാനന്തര നിയമ നടപടിക്രമങ്ങള്‍ കെ.എം.സി.സി മലപ്പുറം ജില്ല വെല്‍ഫെയര്‍ വിങിന്റെ നേതൃത്വത്തിലാണ് പൂര്‍ത്തിയാക്കിയത്.
"
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
