ചിങ്ങവനത്ത് വീടിനുള്ളില്‍ കയറി മധ്യവയസ്‌കന്റെ മൊബൈല്‍ ഫോണ്‍ മോഷ്ടിച്ച കേസില്‍ യുവാവ് അറസ്റ്റില്‍... കുമരകം ആശാരിശ്ശേരി ലക്ഷംവീട് കോളനിയില്‍ പീഠികച്ചിറ വീട്ടില്‍ കുടക്കമ്പി അനീഷ് എന്ന് വിളിക്കുന്ന അനീഷ്.ആര്‍ (39) എന്നയാളെയാണ് ചിങ്ങവനം പോലീസ് അറസ്റ്റ് ചെയ്തത്.

ഇയാള്‍ ഏപ്രില്‍ രണ്ടാം തീയതി വൈകിട്ട് 5:30 മണിയോടുകൂടി പനച്ചിക്കാട് സായിപ്പുകവല ഭാഗത്തുള്ള മധ്യവയസ്‌കന്റെ വീട്ടില്‍ കയറി ഹാളില്‍ കസേരയില്‍ വച്ചിരുന്ന 30,000 രൂപ വില വരുന്ന മൊബൈല്‍ ഫോണ്‍ മോഷ്ടിച്ചുകൊണ്ട് കടന്നുകളയുകയായിരുന്നു.

പരാതിയെ തുടര്‍ന്ന് ചിങ്ങവനം പോലീസ് കേസ് രജിസ്റ്റര്‍ ചെയ്യുകയും തുടര്‍ന്ന് നടത്തിയ ശാസ്ത്രീയമായ പരിശോധനയില്‍ മോഷ്ടാവിനെ തിരിച്ചറിയുകയും, തുടര്‍ന്ന് നടത്തിയ തിരച്ചിലില്‍ ഇയാളെ അമ്പലപ്പുഴ ഭാഗത്തുനിന്നും പിടികൂടുകയുമായിരുന്നു. ചിങ്ങവനം സ്റ്റേഷന്‍ എസ്.എച്ച്.ഓ പ്രകാശ്. ആര്‍, എസ്.ഐ സജീര്‍, സി.പി.ഓ മാരായ മനോജ്കുമാര്‍, അനുരൂപ്, ശ്രീകാന്ത് എന്നിവര്‍ ചേര്‍ന്നാണ് ഇയാളെ അറസ്റ്റ് ചെയ്തത്. ഇയാള്‍ കുമരകം സ്റ്റേഷനിലെ ആന്റി സോഷ്യല്‍ ലിസ്റ്റില്‍ ഉള്‍പ്പെട്ടയാളാണ്. കോടതിയില്‍ ഹാജരാക്കിയ ഇയാളെ റിമാന്‍ഡ് ചെയ്തു.