മുണ്ടക്കയത്ത് വില്‍പ്പനയ്ക്കായി അനധികൃതമായി വിദേശ മദ്യം സൂക്ഷിച്ച കേസില്‍ ഒരാളെ പോലീസ് അറസ്റ്റ് ചെയ്തു. കോരുത്തോട് പനക്കച്ചിറ റാക്കപതാല്‍ ഭാഗത്ത് കതിരോലില്‍ വീട്ടില്‍ മണിക്കുട്ടന്‍ എന്നു വിളിക്കുന്ന അനില്‍ കെ.ജി (41) എന്നയാളെയാണ് മുണ്ടക്കയം പോലീസ് അറസ്റ്റ് ചെയ്തത്.

ഇയാള്‍ വീട്ടില്‍ അനധികൃതമായി മദ്യം സൂക്ഷിച്ച് വില്‍പ്പന നടത്തുന്നതായി ജില്ലാ പോലീസ് മേധാവി കെ.കാര്‍ത്തിക്കിന് ലഭിച്ച രഹസ്യ വിവരത്തിന്റെ അടിസ്ഥാനത്തില്‍ ഇന്നലെ വൈകിട്ട് (28.04.2024) 11.00 മണിയോടുകൂടി ഇയാളുടെ വീട്ടില്‍ നടത്തിയ പരിശോധനയിലാണ് വീടിനുള്ളില്‍ നിന്നും പ്ലാസ്റ്റിക് സഞ്ചിയില്‍ സൂക്ഷിച്ച നിലയില്‍ 500,700 മില്ലി ലിറ്റര്‍, 1 ലിറ്റര്‍ എന്നിങ്ങനെ വിവിധ കുപ്പികളിലായി 5.700 ലിറ്റര്‍ വിദേശമദ്യം പോലീസ് പിടികൂടിയത്.

കൂടാതെ വില്പനയിലൂടെ ലഭിച്ച പണവും പോലീസ് കണ്ടെടുത്തു. മുണ്ടക്കയം സ്റ്റേഷന്‍ എസ്.എച്ച്.ഓ ത്രിദീപ് ചന്ദ്രന്‍, എസ്.ഐ മാരായ വിപിന്‍ കെ.വി, സുരേഷ് കെ.കെ, സി.പി.ഓ മാരായ ബിജി, റഫീക്ക് എന്നിവര്‍ ചേര്‍ന്നാണ് ഇയാളെ അറസ്റ്റ് ചെയ്തത്. ഇയാളെ കോടതിയില്‍ ഹാജരാക്കി.