കണ്ണീര്ക്കാഴ്ചയായി..... ഭര്ത്താവിനും ആറു വയസ്സുകാരനായ മകനുമൊപ്പം സ്കൂട്ടറില് സഞ്ചരിക്കുകയായിരുന്ന യുവതിയ്ക്ക് ദാരുണാന്ത്യം... മകനും ഭര്ത്താവും രക്ഷപ്പെട്ടത് അത്ഭുതകരമായി
കണ്ണീര്ക്കാഴ്ചയായി..... ഭര്ത്താവിനും ആറു വയസ്സുകാരനായ മകനുമൊപ്പം സ്കൂട്ടറില് സഞ്ചരിക്കുകയായിരുന്ന യുവതിയ്ക്ക് ദാരുണാന്ത്യം... മകനും ഭര്ത്താവും രക്ഷപ്പെട്ടത് അത്ഭുതകരമായി.
ചരക്കുലോറി തട്ടി വീണ് അതേ ലോറി കയറിയാണ് യുവതി മരിച്ചത്. ചെങ്ങമനാട് തേയ്ക്കാനത്ത് മുല്ലക്കല് വീട്ടില് ഔസേഫ് ബൈജുവിന്റെ ഭാര്യ സിജി (38) ആണ് മരിച്ചത്. അത്താണി പറവൂര് റോഡില് ചുങ്കം പെട്രോള് ബങ്കിന് സമീപം ഇന്നലെ വൈകിട്ട് 4.25നായിരുന്നു അപകടം സംഭവിച്ചത്.
മൂന്നുപേരും സിജിയുടെ കുന്നുകര ഐരൂരിലുള്ള വീട്ടില് പോയി മടങ്ങിവരുമ്പോഴായിരുന്നു അപകടമുണ്ടായത്. മുന്നില് സഞ്ചരിച്ച കാര് മുന്നറിയിപ്പില്ലാതെ പൊടുന്നനെ റോഡരികില് പാര്ക്ക് ചെയ്തു. അതോടെ സ്കൂട്ടര് വേഗത കുറച്ച് വലത്തോട്ട് തിരിക്കുന്നതിനിടെ വഴിയോരത്തെ അപകടാവസ്ഥയില് നിറഞ്ഞ ചരലില് കയറി തെന്നി സ്കൂട്ടറിന്റെ നിയന്ത്രണം നഷ്ടപ്പെട്ടു. ഈ സമയം സമാന്തരമായെത്തിയ ചരക്ക് ലോറി തട്ടുകയും സിജി വലത്തോട്ട് വീഴുകയും ചെയ്യുകയായിരുന്നു.
ടയറില് കുടുങ്ങി വലിച്ചിഴച്ച സിജിയുടെ ദേഹത്ത് ലോറിയുടെ ടയര് കയറിയിറങ്ങി തത്ക്ഷണം മരണം സംഭവിച്ചു. ബൈജുവും കുട്ടിയും ഇടതുവശത്തേക്ക് വീണതിനാല് നിസാര പരുക്കുകളോടെ രക്ഷപ്പെട്ടു. മൃതദേഹം ആലുവ ജില്ല ആശുപത്രിയിലേക്ക് മാറ്റി. കുന്നുകര അയിരൂര് പുതുശ്ശേരി പൗലോസിന്റെ മകളാണ് മരിച്ച സിജി. മക്കള്: അനറ്റ് (പ്ലസ്ടു), അലോണ്സ്. സംസ്കാരം ഇന്ന് ചെങ്ങമനാട് സെന്റ് ആന്റണീസ് പള്ളി സെമിത്തേരിയില് നടക്കും.
"
https://www.facebook.com/Malayalivartha