സംസ്ഥാനം വെന്തുരുകുന്നു... സാധാരണയെക്കാള് മൂന്ന് മുതല് അഞ്ച് ഡിഗ്രി വരെ അധിക താപനില, ഈമാസം ഏഴ് വരെ 12 ജില്ലകളില് യെല്ലോ മുന്നറിയിപ്പ്
സംസ്ഥാനം വെന്തുരുകുന്നു. പല ജില്ലകളിലും സാധാരണയെക്കാള് മൂന്ന് മുതല് അഞ്ച് ഡിഗ്രി വരെ അധിക താപനിലയാണ് രേഖപ്പെടുത്തുന്നത്. ജാഗ്രതയുടെ ഭാഗമായി ഈമാസം ഏഴ് വരെ 12 ജില്ലകളില് യെല്ലോ മുന്നറിയിപ്പ് .
ഇടുക്കി,വയനാട്, ഒഴികെയുള്ള ജില്ലകളിലാണ് യെല്ലോ അലര്ട്ട്. കഴിഞ്ഞ ദിവസങ്ങളില് ഉയര്ന്ന ചൂട് രേഖപ്പെടുത്തിയ പാലക്കാട് ജില്ലയില് ഉയര്ന്ന താപനില 40 ഡിഗ്രി സെല്ഷ്യസ് വരെ കടന്നേക്കുമെന്ന് മുന്നറിയിപ്പുണ്ട്
അതേസമയം, ചൂടിന് ആശ്വാസമായി വരും ദിവസങ്ങളില് സംസ്ഥാനത്ത് മഴക്കും സാദ്ധ്യതയുണ്ട്. മേയ് ഏഴ് വരെ കേരളത്തില് ഒറ്റപ്പെട്ടയിടങ്ങളില് ഇടിമിന്നലോട് കൂടിയ മഴയ്ക്ക് സാദ്ധ്യതയുണ്ടെന്നാണ് കേന്ദ്ര കാലാവസ്ഥ വകുപ്പ് പ്രവചിച്ചിരിക്കുന്നത്.
കെഎസ്ഇബിയുടെ മേഖല തിരിച്ചുള്ള വൈദ്യുതി നിയന്ത്രണത്തില് കൂടുതല് പ്രദേശങ്ങള് ഉള്പ്പെടുത്തും. കഴിഞ്ഞ ദിവസം പാലക്കാട്, മലപ്പുറം ജില്ലകളിലെ പ്രദേശങ്ങളില് ലോഡ് ഷെഡിംഗ് ഏര്പ്പെടുത്തിയിട്ടുണ്ടായിരുന്നു. മലബാര് മേഖലക്ക് പുറമെ ആലപ്പുഴ, കൊല്ലം ജില്ലകളിലെ ചില പ്രദേശങ്ങളിലും നിയന്ത്രണം കൊണ്ടുവരേണ്ടി വരും.
വൈകുന്നേരം ഏഴ് മണി മുതല് പുലര്ച്ചെ ഒരു മണി വരെ ഏത് സമയത്തും ലോഡ് ഷെഡിംഗ് ഏര്പ്പെടുത്തും. ജനങ്ങള് പരമാവധി സഹകരിക്കണമെന്ന് കെഎസ്ഇബി അഭ്യര്ത്ഥിച്ചു. വൈദ്യുതി ഉപയോഗം കുറയ്ക്കാനുള്ള മാര്ഗനിര്ദേശങ്ങളും കെഎസ്ഇബി പുറത്തിറക്കി.
https://www.facebook.com/Malayalivartha