കെഎസ്ആര്ടിസി ബസ് തടഞ്ഞ സംഭവത്തില് മേയര് ആര്യ രാജേന്ദ്രനും ഭര്ത്താവ് കെ.എം.സച്ചിന്ദേവ് എംഎല്എയ്ക്കുമെതിരെ കേസെടുത്തു.... കന്റോണ്മെന്റ് പൊലീസ് കേസെടുത്തത് കോടതി നിര്ദ്ദേശപ്രകാരം, മേയറും എംഎല്എയും ഉള്പ്പെടെ അഞ്ചു പ്രതികള്
കെഎസ്ആര്ടിസി ബസ് തടഞ്ഞ സംഭവത്തില് മേയര് ആര്യ രാജേന്ദ്രനും ഭര്ത്താവ് കെ.എം.സച്ചിന്ദേവ് എംഎല്എയ്ക്കുമെതിരെ കേസെടുത്തു.... കന്റോണ്മെന്റ് പൊലീസ് കേസെടുത്തത് കോടതി നിര്ദ്ദേശപ്രകാരം. മേയറും എംഎല്എയും ഉള്പ്പെടെ അഞ്ചു പ്രതികളാണുള്ളത്.
നിയമവിരുദ്ധമായ സംഘം ചേരല്, പൊതുഗതാഗതത്തിന് തടസം ഉണ്ടാക്കല്, പൊതുജനശല്യം, അന്യായമായ തടസപ്പെടുത്തല് എന്നിങ്ങനെ ജാമ്യം ലഭിക്കാവുന്ന വകുപ്പുകള് ചുമത്തിയാണ് കേസെടുത്തത്. മേയര്ക്കെതിരെ ബസ് ഡ്രൈവര് എല്.എച്ച്.യദു പരാതി നല്കിയെങ്കിലും കേസെടുക്കാന് പൊലീസ് തയ്യാറായിരുന്നില്ല.
യദുവിന്റെ പരാതിയില് കന്റോണ്മെന്റ് പൊലീസ് അന്വേഷണം ആരംഭിച്ചിരുന്നു. എന്നാല് എഫ്ഐആര് രജിസ്റ്റര് ചെയ്തിട്ടില്ല. യദു സിറ്റി പൊലീസ് കമ്മിഷണര്ക്കു നിവേദനം നല്കിയതിനെത്തുടര്ന്നാണ് അന്വേഷണം തുടങ്ങിയത്. യദുവിന്റെ പരാതിയില് മനുഷ്യാവകാശ കമ്മിഷനും കേസെടുത്തിട്ടുണ്ട്.
https://www.facebook.com/Malayalivartha