ബസ് സ്റ്റാന്ഡിലൂടെ നടന്നുപോകുന്നതിനിടെ കല്ലില് തട്ടി സ്വകാര്യ ബസിനടിയിലേക്ക് വീണയാള്ക്ക് ദാരുണാന്ത്യം
ബസ് സ്റ്റാന്ഡിലൂടെ നടന്നുപോകുന്നതിനിടെ കല്ലില് തട്ടി സ്വകാര്യ ബസിനടിയിലേക്ക് വീണയാള്ക്ക് ദാരുണാന്ത്യം. മേവട കുളത്തിനാല് വിനോദ് (56) ആണ് മരിച്ചത്.
ടൗണ് ബസ് സ്റ്റാന്ഡില് ഇന്നലെ ഉച്ചകഴിഞ്ഞ് 2.30നായിരുന്നു അപകടം നടന്നത്. ബസ് സ്റ്റാന്ഡിനു നടുവിലെ കെട്ടിടത്തിന്റെ നാലു വശത്തും ഓരോ കല്ല് ഉയര്ന്നുനില്ക്കുന്നുണ്ട്. ഈ കല്ലില് തട്ടി തെറിച്ചു വീണ വിനോദിന്റെ ദേഹത്തുകൂടി ബസ് കയറിയിറങ്ങുകയായിരുന്നു. സ്റ്റാന്ഡില് യാത്രക്കാരെ ഇറക്കിയ ശേഷം പുറത്തേക്കു പോകുകയായിരുന്ന പാലാ-രാമപുരം-കൂത്താട്ടുകുളം റൂട്ടില് സര്വീസ് നടത്തുന്ന സ്വകാര്യ ബസിന്റെ അടിയിലേക്കാണു വിനോദ് വീണത്.
ബസിന്റെ പിന്വശത്തെ ചക്രങ്ങളാണു കയറിയിറങ്ങിയത്. സംഭവസ്ഥലത്തു തന്നെ മരണത്തിന് കീഴടങ്ങി. മേവടയിലെ ഓട്ടോ ഡ്രൈവറായിരുന്നു വിനോദ്. ഭാര്യ: ആര്.ബീനാകുമാരി (കൊഴുവനാല് ഗവ. എല്പി സ്കൂള് അധ്യാപിക). മക്കള്: വിഷ്ണു, കൃഷ്ണ. സംസ്കാരം ഇന്ന് 4നു വീട്ടുവളപ്പില് നടക്കും.
https://www.facebook.com/Malayalivartha