യുവതിയുടെ കൊലപാതകത്തില് കൂടുതല് പേര്ക്ക് പങ്കുള്ളതായി സംശയം? കണ്ണൂര് പയ്യന്നൂരില് കാണാതായ യുവതിയെ മരിച്ച നിലയില് കണ്ടെത്തിയ സംഭവം കൊലപാതകമെന്ന് സഹോദരന്...
കണ്ണൂര് പയ്യന്നൂരില് കാണാതായ യുവതിയെ മരിച്ച നിലയില് കണ്ടെത്തിയ സംഭവം കൊലപാതകമെന്ന് സഹോദരന്. യുവതിയുടെ കൊലപാതകത്തില് കൂടുതല് പേര്ക്ക് പങ്കുള്ളതായി സംശയിക്കുന്നതായും സഹോദരന് .
യുവതിയും മറ്റൊരു പുരയിടത്തിലെ മരത്തില് തൂങ്ങി മരിച്ച നിലയില് കണ്ടെത്തിയ സുദര്ശന പ്രസാദും സുഹൃത്തുക്കളായിരുന്നു. ഇവരുടെ അടുപ്പത്തെച്ചൊല്ലി മുമ്പും പ്രശ്നങ്ങളുണ്ടായിരുന്നു. അത് സ്റ്റോപ്പ് ചെയ്തതായിരുന്നു. ഇയാളെക്കൂടാതെ മറ്റാരെങ്കിലും ഉണ്ടായിരുന്നോ എന്ന് വ്യക്തമല്ലെന്നും സഹോദരന് പറയുന്നു.
ഇന്നലെ രാവിലെ മുതലാണ് യുവതിയെ കാണാതായത്. ഇന്നലെ ഇട്ടിരുന്ന വസ്ത്രങ്ങള് അല്ല മൃതദേഹത്തിലുള്ളത്. രാവിലെയാണ് മരിച്ചതായ വിവരം അറിയുന്നതെന്നും സഹോദരന് പറയുന്നു. യുവതിയെ കാണാനില്ലെന്ന് ചൂണ്ടിക്കാട്ടി ഭര്ത്താവ് പൊലീസില് പരാതി നല്കിയിട്ടുണ്ടായിരുന്നു.
അതേസമയം പയ്യന്നൂരിലെ മരണത്തില് മൂന്നു കേസുകള് രജിസ്റ്റര് ചെയ്തതായി പയ്യന്നൂര് ഡിവൈഎസ്പി പ്രമോദ് . യുവതിയെ സുദര്ശന് ബൈക്കിലാണ് വീട്ടിലെത്തിച്ചത്. പോസ്റ്റ്മോര്ട്ടം കഴിഞ്ഞാലേ മരണത്തില് കൂടുതല് വ്യക്തത ലഭിക്കുകയുള്ളൂ. അന്വേഷണം പുരോഗമിക്കുകയാണെന്നും ഡിവൈഎസ്പി പറഞ്ഞു.
മാതമംഗലം കോയിപ്ര സ്വദേശിയായ യുവതിയെയാണ് അന്നൂര് കൊരവയലിലെ ബെറ്റിയുടെ വീട്ടില് മരിച്ച നിലയില് കണ്ടെത്തിയത്. കാണാനില്ലെന്ന് പരാതി നല്കിയതിന്റെ പിറ്റേ ദിവസമാണ് യുവതിയെ മരിച്ച നിലയില് കണ്ടെത്തിയത്. ബെറ്റിയും കുടുംബവും ടൂര് പോയതിനാല് വീടു നോക്കാനായി ഏല്പ്പിച്ചിരുന്ന മാതമംഗലം സ്വദേശി സുദര്ശന് പ്രസാദ് എന്നയാളെ 22 കിലോമീറ്റര് അകലെ പുരയിടത്തിലെ കശുമാവില് തൂങ്ങി മരിച്ച നിലയിലുമാണ് കണ്ടെത്തിയത്.
https://www.facebook.com/Malayalivartha