മാസപ്പടി കേസില് അന്വേഷണം ആവശ്യപ്പെട്ട് മാത്യു കുഴല്നാടന് എംഎല്എ സമര്പ്പിച്ച ഹര്ജി കോടതി തള്ളി...തിരുവനന്തപുരം വിജിലന്സ് കോടതിയാണ് ഹര്ജി തള്ളിയത്
മാസപ്പടി കേസില് അന്വേഷണം ആവശ്യപ്പെട്ട് മാത്യു കുഴല്നാടന് എംഎല്എ സമര്പ്പിച്ച ഹര്ജി കോടതി തള്ളി. തിരുവനന്തപുരം വിജിലന്സ് കോടതിയാണ് ഹര്ജി തള്ളിയത്.
മുഖ്യമന്ത്രിയുടെ മകള് വീണ വിജയന് മാസപ്പടിയായി പണം നല്കിയെന്ന ആരോപണം ഉയര്ന്ന കേസില് സിഎംആര്എല് കമ്പനിക്ക് സംസ്ഥാന സര്ക്കാര് വഴിവിട്ട സഹായങ്ങള് നല്കിയെന്നായിരുന്നു മാത്യു കുഴല്നാടന് ആരോപിച്ചത്. എന്നാല് തെളിവില്ലെന്ന് കണ്ടെത്തിയാണ് വിജിലന്സ് കോടതി ഈ ആവശ്യം നിരാകരിച്ചത്. സിഎംആര്എല് എന്ന സ്വകാര്യ സ്ഥാപനത്തിന് ധാതുമണല് ഖനനത്തിന് വഴിവിട്ട സഹായം നല്കിയതിന് പ്രതിഫലമായി മുഖ്യമന്ത്രിയുടെ മകള്ക്ക് മാസപ്പടി നല്കിയെന്നാണ് ഹര്ജിക്കാരന് ആരോപിച്ചത്.
സ്വകാര്യ കമ്പനിക്ക് വഴിവിട്ട സഹായം നല്കിയതിന് തെളിവുകള് ഹാജരാക്കാന് മാത്യുകുഴല് നാടനോട് കോടതി ആവശ്യപ്പെട്ടിട്ടുണ്ടായിരുന്നു. ചില രേഖകള് കുഴല്നാടന്റെ അഭിഭാഷകന് ഹാജരാക്കിയിട്ടുണ്ടായിരുന്നെങ്കിലും ഈ രേഖകളിലൊന്നും സര്ക്കാര് വഴിവിട്ട് സഹായം ചെയ്തതായി കണ്ടെത്താനായിട്ടില്ലെന്ന് വിജിലന്സ് വാദിക്കുകയും ചെയ്തു.
"
https://www.facebook.com/Malayalivartha