മഞ്ചേശ്വരത്ത് ആംബുലന്സും കാറും കൂട്ടിയിടിച്ച് മൂന്ന് മരണം...
മഞ്ചേശ്വരം കുഞ്ചത്തൂരില് ആംബുലന്സും കാറും കൂട്ടിയിടിച്ച് മൂന്ന് മരണം. കാറില് സഞ്ചരിച്ചിരുന്ന പിതാവും രണ്ടു മക്കളുമാണ് മരിച്ചത്. ഗുരുവായൂര് സ്വദേശി ശിവകുമാര് (54), മക്കളായ ശരത് (23), സൗരവ് (15) എന്നിവരാണു മരിച്ചത്.
കാസര്കോട്ടുനിന്ന് മംഗളൂരുവിലേക്ക് പോകുകയായിരുന്ന ആംബുലന്സ് കാറുമായി കൂട്ടിയിടിച്ചാണ് അപകടമുണ്ടായത്. ബംഗളൂരുവില്നിന്ന് തൃശൂരിലേക്ക് മടങ്ങുകയായിരുന്നു കാറിലുണ്ടായിരുന്നവര്. മൂകാംബിക സന്ദര്ശിച്ചു മടങ്ങുംവഴിയായിരുന്നു അപകടം. ഇടിയുടെ ആഘാതത്തില് കാര് പൂര്ണമായും തകര്ന്നു.
മൂന്നു പേരും സംഭവസ്ഥലത്ത് തന്നെ മരിച്ചു. ആംബുലന്സ് എതിര്വശത്തുകൂടി സഞ്ചരിച്ചതാണ് അപകടകാരണം. ആംബുലന്സിലുണ്ടായിരുന്ന രോഗി ഉള്പ്പെടെ മൂന്നുപേര്ക്കും പരിക്കേറ്റിട്ടുണ്ട്. ഇവരെ മംഗളൂരുവിലെ ആശുപത്രിയില് പ്രവേശിപ്പിച്ചു. ആംബുലന്സിന്റെ ജാഗ്രതക്കുറവാണ് അപകടകാരണമെന്നും പുതിയ ആറുവരിപ്പാതയുടെ നിര്മ്മാണത്തിലെ അശാസ്ത്രീയതയും അപകടങ്ങള്ക്ക് കാരണമാകുന്നുണ്ടെന്നും പ്രദേശവാസികള് പറയുന്നു.
https://www.facebook.com/Malayalivartha