വിജയശതമാനം കൂടുന്നത് നിലവാര തകര്‍ച്ചയായി കണക്കാക്കേണ്ടതില്ലെന്ന് വിദ്യാഭ്യാസ വകുപ്പ് മന്ത്രി വി ശിവന്‍കുട്ടി. ഈ വര്‍ഷത്തെ എസ്എസ്എല്‍സി പരീക്ഷ ഫലം ഇന്ന് ഉച്ചകഴിഞ്ഞ് 3 മണിക്ക് പ്രഖ്യാപിക്കാനിരിക്കെയാണ് മന്ത്രിയുടെ പ്രതികരണം. ഫലപ്രഖ്യാപനത്തില്‍ ആശങ്ക വേണ്ടെന്ന് വ്യക്തമാക്കിയ മന്ത്രി അക്ഷരമറിയാത്തവര്‍ക്ക് മാര്‍ക്ക് കൊടുത്തുവെന്നത് തെറ്റിദ്ധാരണയാണെന്നും ചൂണ്ടിക്കാണിച്ചു.

പഴുതടച്ച രീതിയിലാണ് മൂല്യനിര്‍ണയം നടത്തിയത്. എന്നിട്ടും ആക്ഷേപം ഉന്നയിച്ച് വിദ്യാര്‍ത്ഥികളെ തള്ളാന്‍ ശ്രമിക്കേണ്ടതില്ല.
വിജയശതമാനം കൂടുന്നത് നിലവാരത്തകര്‍ച്ചയല്ലെന്നും ആക്ഷേപം ഉന്നയിച്ചവര്‍ക്കും തിരുത്തേണ്ടി വന്നുവെന്നും മന്ത്രി കൂട്ടിച്ചേര്‍ത്തു. കൂടുതല്‍ വിജയശതമാനം വിദ്യാര്‍ത്ഥികളുടെ മിടുക്ക് കൊണ്ട് ലഭിക്കുന്നതെന്നും ശിവന്‍കുട്ടി .

ഫലപ്രഖ്യാപനം നേരത്തെ നടത്തുന്നത് മൂലം പ്ലസ് വണ്‍ ക്ലാസുകള്‍ നേരത്തെ തുടങ്ങാന്‍ കഴിയും. ഇതിനായുള്ള ഒരുക്കങ്ങളും പൂര്‍ത്തിയായതായി മന്ത്രി അറിയിച്ചു.