സംസ്ഥാനത്തെ വൈദ്യുതി പ്രതിസന്ധി ചര്ച്ച ചെയ്യാന് വൈദ്യുതി മന്ത്രി കെ കൃഷ്ണന്കുട്ടിയുടെ അദ്ധ്യക്ഷതയില് ഇന്ന് ഉന്നതതല അവലോകനയോഗം ചേരും.
സംസ്ഥാനത്തെ വൈദ്യുതി പ്രതിസന്ധി ചര്ച്ച ചെയ്യാന് വൈദ്യുതി മന്ത്രി കെ കൃഷ്ണന്കുട്ടിയുടെ അദ്ധ്യക്ഷതയില് ഇന്ന് ഉന്നതതല അവലോകനയോഗം ചേരും. കെ എസ് ഇ ബി ചെയര്മാന് മുതല് ഡെപ്യൂട്ടി ചീഫ് എന്ജിനീയര് വരെയുള്ള ഉദ്യോഗസ്ഥര് യോഗത്തില് പങ്കെടുക്കുമെന്നാണ് വിവരം.
പ്രാദേശിക വൈദ്യുതി നിയന്ത്രണം ഏര്പ്പെടുത്തിയ ശേഷം വകുപ്പ് മന്ത്രിയുടെ നേതൃത്വത്തില് ചേരുന്ന ആദ്യ അവലോകന യോഗമാണിത്. ഇന്നലെ ബോര്ഡിലെ സര്വീസ് സംഘടനകളുമായി മന്ത്രി ചര്ച്ച നടത്തിയിരുന്നു. ഇന്ന് നടക്കുന്ന യോഗത്തില് പ്രാദേശിക നിയന്ത്രണം തുടരുന്നതില് തീരുമാനം എടുത്തേക്കും. സംസ്ഥാനത്തെ വൈദ്യുതി പ്രതിസന്ധി പരിഹാരത്തിന് തുടര് ചര്ച്ചക്കായി ഹൈപവര് കമ്മിറ്റി രൂപീകരിച്ചിട്ടുണ്ട്.
ഓരോ ദിവസം കഴിയുന്തോറും അസഹനീയമായ ചൂടാണ് സംസ്ഥാനത്ത് അനുഭവപ്പെടുന്നത്. ഇതിനാല് വൈദ്യുതി ഉപയോഗവും കൂടിവരികയാണ്.
ലോഡ് കൂടുന്നതിനാലുള്ള സാങ്കേതിക പ്രശ്നവും വൈദ്യുതിച്ചെലവും കെ എസ് ഇ ബിക്ക് തലവേദനയാകുന്നുണ്ട്. പ്രശ്നങ്ങള് പരിഹരിക്കാന് ഉപയോക്താക്കളുടെ സഹകരണം തേടുകയാണ് വൈദ്യുതി ബോര്ഡ്.
ആവശ്യത്തിന് മാത്രം വൈദ്യുതി ഉപയോഗിച്ചാല് ഇടയ്ക്കിടെ അധികലോഡ് കാരണം ഫീഡറുകളില് ഉണ്ടാകുന്ന വൈദ്യുതി തടസം ഒഴിവാക്കാനും സാധിക്കും. ക്ഷാമമുണ്ടായാല് ഇറക്കുമതി കല്ക്കരി ഉപയോഗിച്ചുണ്ടാക്കുന്ന വിലകൂടിയ വൈദ്യുതിയും വാങ്ങേണ്ടിവരും. ഇതിന് മുന്കൂര് പണം നല്കുകയും വേണം. നിരക്ക് നിശ്ചയിച്ച് വാങ്ങിയില്ലെങ്കില് നഷ്ടം വര്ദ്ധിക്കും.
https://www.facebook.com/Malayalivartha