കണ്ണീരടക്കാനാവാതെ നിലവിളിച്ച്.... പീച്ചി ഡാമിന്റെ റിസര്വോയറില് കാണാതായ യുവാവിന്റെ മൃതദേഹം കണ്ടെത്തി...
പീച്ചി ഡാമിന്റെ റിസര്വോയറില് കാണാതായ യുവാവിന്റെ മൃതദേഹം കണ്ടെത്തി. മലപ്പുറം താനൂര് സ്വദേശി മുഹമ്മദ് യഹിയ (25) യുടെ മൃതദേഹമാണ് തിരച്ചിലിനൊടുവില് വ്യാഴാഴ്ച രാവിലെ കണ്ടെത്തിയത്.
ഇന്നലെ വൈകുന്നേരം 6.30-ന് രണ്ട് സുഹൃത്തുക്കളോടൊപ്പം കുളിക്കാനിറങ്ങിയപ്പോഴായിരുന്നു അപകടം നടന്നത്. എറണാകുളം മഹാരാജാസ് കോളേജിലെ എം.എസ്സി. ബോട്ടണി വിദ്യാര്ഥിയും എസ്.എഫ്.ഐ.യുടെ കോളേജ് യൂണീറ്റ് സെക്രട്ടറിയുമാണ് യഹിയ. കേരള വനഗവേഷണസ്ഥാപനത്തില് ഇന്റേണ്ഷിപ്പ് ചെയ്യാനായി എത്തിയതായിരുന്നു.
അഗ്നിരക്ഷാ സേനാംഗങ്ങളാണ് തിരച്ചില് നടത്തിയത്. രാത്രി 11 വരെ തിരച്ചില് നടത്തിയെങ്കിലും ചെളിയും വെളിച്ചക്കുറവുമൂലം തിരച്ചില് നിര്ത്തിവയ്ക്കുകയായിരുന്നു. ഇന്ന് പുലര്ച്ചെ തിരച്ചില് പുനരാരംഭിക്കുകയും ചെയ്തു.
വൈകുന്നേരം 6.30-ന് വിദ്യാര്ഥി റിസര്വോയറില് മുങ്ങിപ്പോയെങ്കിലും രാത്രി ഒന്പതുമണിയോടുകൂടിയാണ് തിരച്ചില് ആരംഭിക്കാനായത്. തിരച്ചിലിന് ബോട്ട് ലഭിക്കാതിരുന്നതാണ് കാരണം. പീച്ചി ഡാമിലുള്ള വനംവകുപ്പിന്റെ ബോട്ടില് ഡ്രൈവര് ഇല്ലായിരുന്നു. മന്ത്രി കെ. രാജന് തിരച്ചില് പ്രവര്ത്തനങ്ങള് ഏകോപിപ്പിക്കുകയും ചെയ്തു.
"
https://www.facebook.com/Malayalivartha