അയോദ്ധ്യയിലെത്തി രാമക്ഷേത്രത്തില് ദര്ശനം നടത്തി കേരള ഗവര്ണര് ആരിഫ് മുഹമ്മദ് ഖാന്....
അയോദ്ധ്യയിലെത്തി രാമക്ഷേത്രത്തില് ദര്ശനം നടത്തി കേരള ഗവര്ണര് ആരിഫ് മുഹമ്മദ് ഖാന്..... ആരിഫ് മുഹമ്മദ് ഖാന് ഔദ്യോഗിക എക്സ് അക്കൗണ്ടിലൂടെയാണ് ഇതിന്റെ വീഡിയോ പുറത്തുവിട്ടത്. ഇന്നലെയായിരുന്നു ഗവര്ണര് ക്ഷേത്ര ദര്ശനം നടത്തിയത്.
'ജനുവരിയില് ഞാന് രണ്ടുതവണ അയോദ്ധ്യയില് എത്തിയിട്ടുണ്ടായിരുന്നു. മുമ്പും നിരവധി തവണ ഇവിടേക്ക് വന്നിട്ടുണ്ട്. അന്നും ഇന്നും ഒരേ വികാരം തന്നെയാണുള്ളത്്. സന്തോഷം മാത്രമല്ല, അഭിമാനത്തിന്റെ നിമിഷമാണിത്. അതിനാലാണ് അയോദ്ധ്യയിലെത്തി ശ്രീരാമനെ പ്രാര്ത്ഥിക്കുന്നത് ' ആരിഫ് മുഹമ്മദ് ഖാന് പറഞ്ഞു.
രാഷ്ട്രപതി ദ്രൗപതി മുര്മുവും കഴിഞ്ഞയാഴ്ച അയോദ്ധ്യ ക്ഷേത്രം സന്ദര്ശിച്ചിട്ടുണ്ടാിയിരുന്നു. ആദ്യമായാണ് ദ്രൗപതി മുര്മു രാമക്ഷേത്ര ദര്ശനം നടത്തിയത്. രാമക്ഷേത്രം സന്ദര്ശിക്കുന്നതിന് മുമ്പ് രാഷ്ട്രപതി ഹനുമാന് ഗര്ഹി ക്ഷേത്രത്തിലെത്തിയിരുന്നു.
തുടര്ന്ന്, സരയൂ തീരത്തെ ആരതിയിലും പങ്കുകൊണ്ടിരുന്നു. ഉത്തര്പ്രദേശ് ഗവര്ണര് ആനന്ദി ബെന് പട്ടേലാണ് അയോദ്ധ്യയിലെ മഹര്ഷി വാത്മീകി അന്താരാഷ്ട്ര വിമാനത്താവളത്തില് എത്തിയ രാഷ്ട്രപതിയെ സ്വീകരിച്ചത്.
https://www.facebook.com/Malayalivartha