കേരളത്തില് ഇന്നും ഉയര്ന്ന താപനില തുടരുമെന്ന് കാലാവസ്ഥ പ്രവചനം.... 12 ജില്ലകളില് ഉയര്ന്ന താപനില മുന്നറിയിപ്പിന്റെ ഭാഗമായി യെല്ലോ അലര്ട്ട് പ്രഖ്യാപിച്ചു
കേരളത്തില് ഇന്നും ഉയര്ന്ന താപനില തുടരുമെന്ന് കാലാവസ്ഥ പ്രവചനം. എന്നാല് സംസ്ഥാനത്തെ ഉഷ്ണ തരംഗ ഭീഷണി ഒഴിയുകയാണെന്നാണ് കാലാവസ്ഥ പ്രവചനം വ്യക്തമാക്കുന്നത്. ഇന്ന് ഒരു ജില്ലയിലും നിലവില് ഉഷ്ണ തരംഗ മുന്നറിയിപ്പ് പുറപ്പെടുവിച്ചിട്ടില്ല. അതേസമയം 12 ജില്ലകളില് ഉയര്ന്ന താപനില മുന്നറിയിപ്പിന്റെ ഭാഗമായി മഞ്ഞ അലര്ട്ട് പ്രഖ്യാപിച്ചു.
12 ജില്ലകളിലും സാധാരണയേക്കാള് മൂന്നു മുതല് അഞ്ചു വരെ താപനില ഉയര്ന്നേക്കാം. തൃശ്ശൂര്, പാലക്കാട്, ആലപ്പുഴ, കൊല്ലം, കോട്ടയം, പത്തനംതിട്ട, എറണാകുളം, കോഴിക്കോട്, കണ്ണൂര്, തിരുവനന്തപുരം, മലപ്പുറം, കാസറഗോഡ് ജില്ലകളിലാണ് മഞ്ഞ അലര്ട്ട് പ്രഖ്യാപിച്ചിട്ടുള്ളത്. ഇടുക്കി, വയനാട് ജില്ലകളില് ഒരു തരത്തിലുമുള്ള താപനില മുന്നറിയിപ്പില്ലെന്നത് ആശ്വാസകരമാണ്.
തൃശൂര്, പാലക്കാട് ജില്ലകളില് 39 ഡിഗ്രി സെല്ഷ്യസ് വരെ താപനില ഉയരും. ആലപ്പുഴയില് 38 ഡിഗ്രി സെല്ഷ്യസ് വരെ താപനില ഉയരും. കൊല്ലം കോട്ടയം, പത്തനംതിട്ട, എറണാകുളം, കോഴിക്കോട്, കണ്ണൂര് ജില്ലകളില് 37 ഡിഗ്രി സെല്ഷ്യസാണ് ഉയര്ന്ന താപനില. തിരുവനന്തപുരം, മലപ്പുറം, കാസര്കോട് ജില്ലകളില് 36 ഡിഗ്രി സെല്ഷ്യസ് വരെയും താപനില ഉയരുമെന്ന് മുന്നറിയിപ്പ്.
"
https://www.facebook.com/Malayalivartha