'ഇന്ന് മഴ പെയ്യുമോ? കാലാവസ്ഥാ മുന്നറിയിപ്പുണ്ടെങ്കിൽ പെയ്യില്ലെന്ന് ഉറപ്പ്.' മലയാളികൾ കഴിഞ്ഞ കുറേ കാലമായി പറഞ്ഞുശീലിച്ച വാക്കുകളാണിത്. പ്രവചനത്തിൽ കാലാവസ്ഥാ കേന്ദ്രം പോലെ പഴിയും പരിഹാസവും കേട്ടവർ വേറെ ഉണ്ടാവില്ല. മഴ മഹാദുരന്തങ്ങൾക്ക് കാരണമാകുന്ന കാലത്ത് കാലാവസ്ഥാ കേന്ദ്രത്തിന്റെ മുന്നറിയിപ്പിന് വിലപ്പെട്ട ജീവനുകളുടെ വിലയുണ്ട്. ചെറിയ പിഴവിന് വലിയ വില കൊടുക്കേണ്ട സാഹചര്യം.പക്ഷെ വയനാട് ദുരന്തമുണ്ടായപ്പോൾ കേന്ദ്രം സംസ്ഥാന സർക്കാരിനെയും കേന്ദ്ര സർക്കാരിനെയും പരസ്പരം അങ്ങോട്ടും ഇങ്ങോട്ടും പഴിചാരുക മാത്രമാണ് ചെയ്തത് പക്ഷെ അതിനോടകം നമ്മുക്ക് നഷ്ട്ടപ്പെത് ഒന്നും രണ്ടും ജീവനുകൾ അല്ലായിരുന്നു. പക്ഷെ അതോടു കൂടി കേരളം വീണ്ടും ഉണർന്നു.

ഇപ്പോൾ മുല്ലപ്പെരിയാർ എപ്പോൾ പൊട്ടും എന്നുള്ളതിൽ വരെ എത്തി നിൽക്കുകയാണ് നമ്മുടെ ചർച്ചകൾ. ഏതായാലും അതിനോടൊപ്പം തന്നെ വീണ്ടും അതിശക്തമായ മഴ മുന്നറിയിപ്പുകൾ ആണ് സംസ്ഥാനത്ത് പല ജില്ലകൾക്കും നൽകിയിരിക്കുന്നത്. സംസ്ഥാനത്ത് വരും ദിവസങ്ങളില്‍ കനത്ത മഴയ്ക്കു സാധ്യത. ശ്രീലങ്കന്‍ തീരത്ത് കഴിഞ്ഞ ദിവസം രൂപപ്പെട്ട ചക്രവാത ചുഴി ദുര്‍ബലമായതിനു പിന്നാലെ കേരള തീരത്ത് കൊച്ചിക്കു സമീപം പുതിയ അന്തരീക്ഷ ചുഴി രൂപപ്പെട്ടു.കൊച്ചി തീരത്തോട് ചേര്‍ന്ന് സമുദ്രനിരപ്പില്‍ നിന്ന് 5.8 കിലോമീറ്റര്‍ ഉയരത്തില്‍ ആയാണ് അന്തരീക്ഷ ചുഴി രൂപപ്പെട്ടത്.

ഇത് അടുത്ത 24 മണിക്കൂര്‍ തുടരാനാണ് സാധ്യത. ഇന്ന് കേരളത്തില്‍ പൊതുവെ മഴ കുറയുമെങ്കിലും വെള്ളിയാഴ്ച മുതല്‍ മഴ ശക്തിപ്പെടാന്‍ സാധ്യതയുണ്ട്. ഇന്ന് വടക്കന്‍ ജില്ലകളിലാണ് ഒറ്റപ്പെട്ട ശക്തമായ മഴ സാധ്യതയുള്ളത്. നാളെ മുതല്‍ എല്ലാ ജില്ലകളിലും മഴ ലഭിക്കും.ശനി, ഞായര്‍ ദിവസങ്ങളില്‍ (ഓഗസ്റ്റ് 17, 18) കേരളത്തില്‍ തീവ്രമഴയ്ക്കു സാധ്യതയുണ്ട്. കോഴിക്കോട് ജില്ലയില്‍ ഉള്‍പ്പെടെ തീവ്ര മഴ പ്രതീക്ഷിക്കാം. അടുത്ത നാല് ദിവസം അറബിക്കടലില്‍ ശക്തമായ മഴയും മിന്നലിനും കാറ്റിനും സാധ്യതയുള്ളതിനാല്‍ കാലാവസ്ഥാ മുന്നറിയിപ്പ് പാലിച്ച് മത്സ്യത്തൊഴിലാളികള്‍ കടലില്‍ പോകാവൂ.എന്നുള്ള മുന്നറിയിപ്പും നിൽക്കുന്നുണ്ട്. ഏതായാലും മുന്നറിയിപ്പുകൾ വരുമ്പോഴൊക്കെ കേരളം സജ്ജമാണ് അതിനെ നേരിടാൻ എന്നാണ് ബന്ധപ്പെട്ട ഭരണാധികാരികൾ അറിയിക്കുന്നത്.

ഒപ്പം തന്നെ അപകട മേഖലകളിൽ നിന്നെല്ലാം ആളുകളെ കൃത്യമായി ഒഴിപ്പിക്കുന്നുണ്ട്. ഇന്ന് സ്വാതന്ത്ര്യ ദിനാഘോഷത്തിന്റെ ഭാഗമായി മുഖ്യമന്ത്രി പിണറായി വിജയൻ നടത്തിയ പ്രസംഗത്തിൽ എല്ലാം പ്രകൃതി ദുരന്തങ്ങളെ മുന്‍കൂട്ടി പ്രവചിക്കാനും ജനങ്ങളുടെ സ്വത്തിനും ജീവനും സംരക്ഷണം നല്‍കാനും അവയ്‌ക്കെതിരെ പ്രതിരോധം തീര്‍ക്കാനും രാജ്യത്തിനു കഴിയുന്നില്ല എന്നത് ചിന്തിപ്പിക്കുന്ന വിഷയമാണെന്നു എടുത്തു പറയുകയുണ്ടായി . പൊതുവായ മുന്നറിയിപ്പുകളല്ല, കൃത്യമായ പ്രവചനങ്ങളാണ് ദുരന്തങ്ങളെ പ്രതിരോധിക്കാന്‍ ഉപകരിക്കുക എന്നത് ലോകത്താകെയുള്ള പല അനുഭവങ്ങളും വ്യക്തമാക്കിയിട്ടുണ്ട്.

ആ രീതിയില്‍ ഉയരാന്‍ വേണ്ട ഇടപെടലുകള്‍ നമ്മുടെ രാജ്യത്തും നടത്തേണ്ടതുണ്ടെന്നും മുഖ്യമന്ത്രി പറഞ്ഞു. തിരുവനന്തപുരം സെന്‍ട്രല്‍ സ്‌റ്റേഡിയത്തില്‍ സ്വാതന്ത്ര്യദിന പരേഡിനെ അഭിസംബോധന ചെയ്യുകയായിരുന്നു മുഖ്യമന്ത്രി. എന്നാൽ വയനാട് ദുരന്തം ഉണ്ടായപ്പോൾ ആഭ്യന്തര മന്ത്രി അമിത് ഷാ സഭയിൽ പറഞ്ഞത് . കൃത്യമായ മുന്നറിയിപ്പ് സംസ്ഥാനങ്ങൾക്ക് നല്കിയിട്ടുണ്ടായിരുന്നു എന്നും . മറ്റു സംസ്ഥാനങ്ങൾ അതിനനുസരിച്ചു പ്രവർത്തിച്ചപ്പോൾ കേരളം എന്താണ് ചെയ്തത് എന്നാണ് തിരിച്ചു ചോദ്യം ഉന്നയിച്ചത്. ഏതായലും കേരളം ഇപ്പോൾ വളരെ കരുതലോടെയാണ് നീങ്ങുന്നത്. ഇനിയൊരു വലിയ ദുരന്തം സംഭവിച്ചു കൂടാ എന്നുള്ള ഉറച്ച തീരുമാനത്തിൽ ആണ് കേരളം.

അതെ സമയം ഇന്ന് ഒറ്റപ്പെട്ടയിടങ്ങളിൽ അതിശക്തമായ മഴയ്ക്ക് സാധ്യതയുണ്ടെന്ന് മുന്നറിയിപ്പ്. 11 ജില്ലകളിലാണ് ഇന്ന് മഴ മുന്നറിയിപ്പുള്ളത്. കോഴിക്കോട്, വയനാട് ജില്ലകളിൽ ഓറഞ്ച് അലർട്ടാണ് പ്രഖ്യാപിച്ചിരിക്കുന്നത്. തിരുവനന്തപുരം, കൊല്ലം, ആലപ്പുഴ, കോട്ടയം, എറണാകുളം, ഇടുക്കി, തൃശ്ശൂർ, പാലക്കാട്, മലപ്പുറം, കണ്ണൂര്‍ എന്നീ ജില്ലകളിൽ യെല്ലോ അലർട്ടാണ്. തുടർച്ചയായി മഴ ലഭിക്കുന്ന മലയോരമേഖലകളിൽ പ്രത്യേക ജാഗ്രത വേണമെന്നാണ് നിര്‍ദേശം. കേരള തീരത്ത് കടലാക്രമണ സാധ്യതയുണ്ട്. കേരള, ലക്ഷദ്വീപ് തീരത്ത് മത്സ്യബന്ധനത്തിന് വിലക്കുണ്ട്.2024 ആഗസ്റ്റ് 18 വരെ കേരളത്തിൽ ഒറ്റപ്പെട്ടയിടങ്ങളിൽ ഇടിമിന്നലോടു കൂടിയ മഴയ്ക്കും മണിക്കൂറിൽ 30 മുതൽ 40 കിലോമീറ്റർ വരെ (പരമാവധി 50 kmph വരെ)വേഗതയിൽ വീശിയേക്കാവുന്ന ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.