സര്‍ക്കാരിന്‌ ആരോടും രാഷ്‌ട്രീയ വിരോധമില്ലന്ന്‌ മുഖ്യമന്ത്രി ഉമ്മന്‍ ചാണ്ടി വ്യക്തമാക്കി. ഭൂമിദാനക്കേസില്‍ അന്വേഷണം പുരോഗമിക്കുകയാണ്‌. ആരേയും രക്ഷിക്കാന്‍ ശ്രമിക്കുകയുമില്ല. നിയമം അതിന്റെ വഴിക്കു പോകും.  സര്‍ക്കാര്‍ പ്രതികാരം തീര്‍ക്കുകയാണെന്ന്‌ പ്രതിപക്ഷ നേതാവ്‌ വി.എസ്‌. അച്യുതാനന്ദന്‍ നേരത്തേ വ്യക്തമാക്കിയിരുന്നു. കുഞ്ഞാലിക്കുട്ടിക്കെതിരായ നിയമ പോരാട്ടം തുടരുമെന്നും മുഖ്യമന്ത്രിയും അതിനു കൂട്ടു നില്‍ക്കുകയാണെന്നും നേരത്തെ വി.എസ്‌. ആരോപിച്ചിരുന്നു.
തന്നേയും മുഖ്യമന്ത്രിയേയും കുറ്റം പറഞ്ഞ്‌ വി.എസിന്‌ ഭൂമിദാനക്കേസില്‍ ഒഴിയാനാവില്ലന്ന്‌ മന്ത്രി കുഞ്ഞാലിക്കുട്ടിയും വ്യക്തമാക്കി.
വി.എസിനെതിരെ കോസെടുക്കാമെന്ന്‌ നേരത്തേ നിയമോപദേശം കിട്ടിയിരുന്നു.
വിഎസിന്റെ ആരോപണം തെറ്റാണെന്ന്‌ കെ.പി.സി.സി. പ്രസിഡന്റ്‌ രമേശ്‌ ചെന്നിത്തല ദുബായിലും പറഞ്ഞു. ഉപ്പ്‌ തിന്നിട്ടുള്ളവര്‍ വെള്ളം കുടിക്കും.