കൊച്ചി : കൊച്ചി മെട്രോ റെയില്‍ പദ്ധതിയുമായി ബന്ധപ്പെട്ട്‌ ചില ആശയക്കുഴപ്പങ്ങളുണ്ടായിട്ടുളളതായി മുഖ്യമന്ത്രി ഉമ്മന്‍ചാണ്ടി. ഇത്‌ ഒഴിവാക്കേണ്ടതായിരുന്നു. പദ്ധതി നിര്‍വഹണത്തെ ആശയക്കുഴപ്പങ്ങള്‍ ബാധിക്കില്ലെന്നും മുഖ്യമന്ത്രി പറഞ്ഞു. 

 ഡല്‍ഹി മെട്രോ റെയില്‍ കോര്‍പ്പറേഷന്റെയും മുഖ്യഉപദേഷ്‌ടാവ്‌ ഇ.ശ്രീധരന്റെയും മേല്‍നോട്ടത്തില്‍ തന്നെയാകും നിര്‍മാണം ഇക്കാര്യത്തില്‍ സര്‍ക്കാര്‍ വ്യക്തമായ തീരുമാനം എടുത്തിട്ടുളളതാണ്‌. പദ്ധതിയുടെ പൂര്‍ണ ചുമതല ഇ.ശ്രീധരന്‌ നല്‍കിയിട്ടില്ലെന്ന നഗരവികസന സെക്രട്ടറി സുധീര്‍കൃഷ്‌ണയുടെ ആരോപണങ്ങള്‍ക്ക്‌ മറുപടി പറയേണ്ടത്‌ നഗരവികസന മന്ത്രി കമല്‍നാഥ്‌ ആണ്‌. തനിക്ക്‌ ആരെക്കുറിച്ചും പരാതിയോ പരിഭവമോ ഇല്ലെന്നും അദ്ദേഹം പറഞ്ഞു.