വടക്കു കിഴക്കന്‍ സംസ്ഥാനങ്ങളിലെ കനത്ത മഴ യെ തുടര്‍ന്നു ചില ട്രെയിന്‍ സര്‍വീസുകള്‍ റദ്ദാക്കി. ഈ മാസം 20നും 22നും ഗോഹട്ടിയില്‍നിന്നു പുറപ്പെടേണ്ടിയിരുന്ന ഗോഹട്ടി തിരുവനന്തപുരം എക്‌സ്പ്രസുകള്‍ റദ്ദാക്കി. 24ന് ഉച്ചയ്ക്ക് 12.40ന് പുറപ്പെടേണ്ടിയിരുന്ന തിരുവനന്തപുരം ഗോഹട്ടി എക്‌സ്പ്രസും റദ്ദാക്കി.
കേരളത്തിലെ ട്രെയിന്‍ സര്‍വീസുകള്‍ പുനഃക്രമീകരിച്ചിട്ടുണ്ട്.
അമ്പലപ്പുഴയില്‍ പാത ഇരട്ടിപ്പിക്കല്‍ നടക്കുന്നതിനാല്‍ ചൊവ്വാഴ്ച സര്‍വീസ് നടത്തേണ്ട കൊല്ലം എറണാകുളം മെമു (ആലപ്പുഴ വഴി), എറണാകുളം കൊല്ലം മെമു ( കോട്ടയം വഴി) റദ്ദാക്കി. എറണാകുളം കായംകുളം പാസഞ്ചര്‍ ( ആലപ്പുഴ വഴി) യാത്ര ആലപ്പുഴയില്‍ അവസാനിപ്പിക്കും. കായംകുളം എറണാകുളം ആലപ്പുഴയില്‍നിന്ന് സര്‍വീസ് ആരംഭിക്കും. തിരുവനന്തപുരം ലോക്മാന്യതിലക് നേത്രാവതി എക്‌സ്പ്രസ് ഒന്നരമണിക്കൂര്‍ വൈകി പുറപ്പെടും.