ബന്ധു നിയമനക്കേസ്: ഇപി ജയരാജനെതിരായ അന്വേഷണം വിജിലന്സ് അവസാനിപ്പിക്കുന്നു
മുന്മന്ത്രി ഇ.പി. ജയരാജനെതിരായ ബന്ധു നിയമനക്കേസിന്റെ അന്വേഷണം വിജിലന്സ് അവസാനിപ്പിക്കുന്നു. ജയരാജനെതിരെ അഴിമതി നിരോധന നിയമപ്രകാരമുള്ള കുറ്റം നിലനില്ക്കില്ലെന്നും നിയമനത്തിലൂടെ ആരും ഏതെങ്കിലും തരത്തിലുള്ള നേട്ടമുണ്ടാക്കിയിട്ടില്ലെന്നും വിജിലന്സ് ഹൈക്കോടതിയെ അറിയിക്കും.
ബന്ധു നിയമനക്കേസ് റദ്ദാക്കാന് ഇ.പി. ജയരാജന് നല്കിയ ഹര്ജിയില് തിരുവനന്തപുരം വിജിലന്സ് ഡിവൈ.എസ്.പി വി. ശ്യാംകുമാറാണ് ഇക്കാര്യം വ്യക്തമാക്കി റിപ്പോര്ട്ട് നല്കുക. 2016 ഒക്ടോബര് ഒന്നിന് സുധീര്നമ്പ്യാരെ കേരള സ്റ്റേറ്റ് ഇന്ഡസ്ട്രിയല് എന്റര്െ്രെപസസിന്റെ എം.ഡിയായി നിയമിച്ചു. ഇത് വിവാദമായതോടെ നിയമനം റദ്ദാക്കാന് ഒക്ടോബര് മൂന്നിന് മന്ത്രി ഇ.പി. ജയരാജന് കുറിപ്പുനല്കി. ഒക്ടോബര് 13 ന് നിയമനം റദ്ദാക്കി. പ്രതിപക്ഷ നേതാവ് രമേശ് ചെന്നിത്തലയടക്കമുള്ളവര് വിജിലന്സ് ഡയറക്ടര്ക്ക് നല്കിയ പരാതിയില് ത്വരിതാന്വേഷണം നടത്തിയാണ് കേസ് രജിസ്റ്റര് ചെയ്തത്. ഔദ്യോഗിക പദവി ദുരുപയോഗം ചെയ്ത് ബന്ധുവായ സുധീറിനെ നിയമിച്ചുവെന്നാരോപിച്ചാണ് ജയരാജനെതിരെ കേസെടുത്തത്.
സുധീര്നമ്പ്യാര്, വ്യവസായ വകുപ്പ് അഡി. ചീഫ് സെക്രട്ടറി പോള് ആന്റണി എന്നിവരെയും പ്രതികളാക്കി. സുധീര് നമ്പ്യാരുടെ ഹര്ജിയില് അന്വേഷണം ഹൈക്കോടതി സ്റ്റേ ചെയ്തു. ഈ ഹര്ജിയില് മാര്ച്ച് ഏഴിനും 17 നും ഹൈക്കോടതിയില് റിപ്പോര്ട്ട് നല്കിയിരുന്നു. ജയരാജനടക്കമുള്ളവര് ഒരുതരത്തിലുള്ള നേട്ടവും ഉണ്ടാക്കിയില്ലെന്ന് രണ്ടാമത്തെ റിപ്പോര്ട്ടില് പറഞ്ഞിട്ടുണ്ട്. കേസിലെ ഹൈക്കോടതിയുടെ ഇടക്കാല ഉത്തരവുകള് പരിശോധിച്ചതിലും പബ്ളിക് പ്രോസിക്യൂട്ടറുമായി ചര്ച്ച നടത്തിയതിലും പ്രതികള്ക്കെതിരെ അഴിമതി നിരോധന നിയമ പ്രകാരമുള്ള കുറ്റം നിലനില്ക്കുമെന്ന് കരുതുന്നില്ല.
https://www.facebook.com/Malayalivartha
