സഹപ്രവർത്തകയെ പീഡിപ്പിക്കാൻ ശ്രമിച്ച  കേസിൽ സസ്‌പെൻഷനിൽ ആയിരുന്ന കാര്‍ഷിക ഗവേഷണ കേന്ദ്രം മേധാവി ഡോ. ഇ. ശ്രീനിവാസന്‍ വീണ്ടും പീഡനശ്രമത്തിന് അറസ്റ്റില്‍. ചാലക്കുടിയിൽ ബസ്സിൽ സഞ്ചരിച്ചിരുന്ന പതിനാറു വയസുള്ള പെൺകുട്ടിയെയാണ് പീഡിപ്പിക്കാൻ ശ്രമിച്ചത്.ബസിൽ അടുത്തടുത്താണ് ഇരുവരും  നിന്നിരുന്നതെന്നും വളരെ മോശമായ രീതിയിൽ ശാരീരികമായി ഉപദ്രവിക്കാൻ ശ്രമിച്ചു എന്നും പെൺകുട്ടി പരാതിയിൽ പറയുന്നു.യാത്രക്കാർ തന്നെയാണ് ഇയാളെ പിടികൂടി പോലീസിൽ ഏൽപ്പിച്ചത്. പ്രഥമ ദൃഷ്ട്യാ പോലീസ് നടത്തിയ അന്വേഷണത്തിൽ പെൺകുട്ടിയുടെ പരാതിയിൽ കഴമ്പുണ്ടെന്നും മനസിലാക്കിയാണ് ഡോ .ഇ ശ്രീനിവാസനെ അറസ്റ്റ് ചെയ്തു റിമാൻഡ് ചെയ്തിരിക്കുന്നത്.നേരത്തെയും സമാനമായ സംഭവം ഉണ്ടായിരുന്നു കാർഷിക സർവകലാശാലയിലെ ജീവനക്കാരിയെ പീഡിപ്പിക്കാൻ ശ്രമിച്ചു എന്ന കുറ്റത്തിന് സസ്‌പെൻഷനിൽ ആയിരുന്നു ഡോ .ഇ ശ്രീനിവാസൻ ഈയിടെയാണ് അദ്ദേഹം തിരികെ ജോലിയിൽ പ്രവേശിച്ചത്. .