ഗതാഗതമന്ത്രി തോമസ് ചാണ്ടിയ്‌ക്കെതിരായ ഭൂമി കൈയേറ്റ ആരോപണത്തെ കുറിച്ച് പ്രതികരിക്കാന്‍ മുഖ്യമന്ത്രി പിണറായി വിജയന്‍ പ്രതികരിച്ചില്ല. രാവിലെ മാദ്ധ്യമ പ്രവര്‍ത്തകര്‍ പ്രതികരണം ആരാഞ്ഞെങ്കിലും അദ്ദേഹം ഒന്നും പറയാന്‍ കൂട്ടാക്കിയില്ല.

അതേസമയം, തോമസ് ചാണ്ടിക്കെതിരായ ആരോപണം സര്‍ക്കാര്‍ പലരീതിയിലും അന്വേഷിക്കുന്നുണ്ടെന്ന് മന്ത്രി ജി.സുധാകരന്‍ പറഞ്ഞു. അന്വേഷണത്തിന് ശേഷം മുഖ്യമന്ത്രി ആവശ്യമായ തീരുമാനം എടുക്കും. സര്‍ക്കാര്‍ വിവിധ തലങ്ങളില്‍ അന്വേഷണം നടത്തുന്നുണ്ട്. അന്വേഷണത്തിനു ശേഷം മുഖ്യമന്ത്രി പ്രതികരിക്കുമെന്നും അദ്ദേഹം പറഞ്ഞു. മുഖ്യമന്ത്രിയുടെ തീരുമാനം എല്ലാവര്‍ക്കും ബാധകമായിരിക്കും. ഇത് സംബന്ധിച്ച് മുഖ്യമന്ത്രി നിയമസഭയില്‍ പ്രസ്താവന നടത്തിയത് ആദ്യം ലഭിച്ച റിപ്പോര്‍ട്ടുകളുടെ അടിസ്ഥാനത്തിലാണെന്നും സുധാകരന്‍ പറഞ്ഞു.