തനിക്കെതിരായ ആരോപണങ്ങൾക്ക് യാതൊരു ഗൗരവവും നൽകാതെ നിസാരമായി കണ്ട് ഗതാഗത മന്ത്രി തോമസ് ചാണ്ടി. ഭൂമി കൈയേറി മണ്ണിട്ട് നികത്തിയ ആരോപണത്തിൽ കരഭൂമിയായി തന്റെ പേരിൽ തീറാധാരമുള്ള സ്ഥലം ഉയർത്തുന്നതിനായി മണ്ണ് ഇട്ടിട്ടുണ്ട്. അല്ലാതെ കായൽ നികത്തിയിട്ടില്ലെന്ന് തോമസ് ചാണ്ടി പറഞ്ഞു.

എന്നാൽ അതുമാത്രമല്ല വളരെ വിചിത്രമായ ന്യായീകരണങ്ങളാണ് അദ്ദേഹം നിരത്തുന്നത്. താൻ വാങ്ങിയ അഞ്ച് സെന്റ് സ്ഥലത്ത് മണ്ണിട്ട് ഉയർത്തിയിട്ടുണ്ട്. എന്നാൽ അവിടെയുണ്ടെന്ന് പറയുന്ന ഒന്നര സെന്റ് നടപ്പാത കാണിച്ചു തന്നാൽ അവിടുത്തെ മണ്ണ് മാറ്റിനകാൻ താൻ ഒരുക്കമാണെന്നും താനവിടെ മണ്ണിട്ടില്ലായിരുന്നെങ്കിൽ അവിടെ ഒരു ചാല് രൂപപ്പെടുമായിരുന്നെന്നും മന്ത്രി പറഞ്ഞു.

തനിക്കെതിരെ ഇപ്പോൾ ഉയരുന്ന ആരോപണങ്ങൾ ഗൂഢാലോചനയുടെ ഫലായി കെട്ടിച്ചമച്ചതാണെന്നും മന്ത്രി തോമസ് ചാണ്ടി പറഞ്ഞു. എന്നാൽ ഈ ആരോപണങ്ങളുടെ പേരിൽ രാജി വയ്ക്കേണ്ട ഒരു സാഹചര്യവുമില്ലെന്നും രാജിവയ്ക്കുന്ന പ്രശ്;നമില്ലെന്നും അദ്ദേഹം കൂട്ടിച്ചേർത്തു. മാർത്താണ്ഡം കായൽ ; നികത്തിയെന്ന പേരിൽ ഉയരുന്ന വാദങ്ങൽ തെറ്റിധാരണയെ തുടർന്നാണെന്നും അദ്ദേഹം പറഞ്ഞു.

ആലപ്പുഴ നഗരസഭയിലെ ഫയൽ കാണാതായതിനെ കുറിച്ച് തനിക്ക് അറിയില്ല. ഫയൽ സൂക്ഷിക്കുന്നത് എന്റെ പണിയല്ലെന്നും മന്ത്രി പറഞ്ഞു.