സോളാർ കമ്മീഷൻ റിപ്പോർട്ടിൽ തനിക്ക് ആശങ്കകൾ ഒന്നുമില്ലെന്ന്‌ ഉമ്മൻ‌ചാണ്ടി . ഒരു തെറ്റും ചെയ്തിട്ടില്ലെന്ന് ഉറപ്പുണ്ട് അതിനാലാണ് സമഗ്രമായ അന്വേഷണത്തിന് നിർദേശം നൽകിയത്.റിപ്പോർട്ടിനെപറ്റി കൂടുതൽ അറിഞ്ഞ ശേഷം പ്രതികരിക്കാമെന്നും അദ്ദേഹം പറഞ്ഞു . തന്റെ ഓഫീസ് സുതാര്യമായാണ് പ്രവർത്തിച്ചത് ആർക്കും എപ്പോൾ വേണമെങ്കിലും ചെല്ലാവുന്ന തരത്തിലായിരുന്നു ഓഫീസിന്റെ ക്രമീകരണം എന്നും അദ്ദേഹം കൂട്ടിച്ചേർത്തു .

ഇന്ന് വൈകിട്ട് സോളർ അന്വേഷണ കമ്മിഷൻ ജസ്റ്റിസ് ജി.ശിവരാജൻ മുഖ്യമന്ത്രിക്ക് അന്വേഷണ റിപ്പോർട്ട് സമർപ്പിച്ചിരുന്നു.റിപ്പോർട്ടിനെ പറ്റി ഇനി മുഖ്യമന്ത്രി വിശദീകരിക്കും എന്ന് ജസ്റ്റിസ് ജി ശിവരാജൻ പറഞ്ഞു എന്നാൽ റിപ്പോർട്ട് കിട്ടിയതേ ഉള്ളു എന്നും പരിശോധിച്ച ശേഷം പിന്നീട് പ്രതികരിക്കാമെന്നും മുഖ്യമന്ത്രി പിണറായി വിജയൻ പറഞ്ഞു