കേരത്തിൽ സ്ത്രീകൾക്ക് നേരെ അതിക്രമം കൂടി വരുന്ന പശ്ചാത്തലത്തിൽ കേരളത്തിലെ സ്ത്രീകളുടെ അവസ്ഥയറിയാന്‍ രാത്രി പത്തു മണി കഴിയുമ്പോള്‍ സാരിയുടുത്ത് പുറത്തിറങ്ങി നോക്കണമെന്ന് മുഖ്യമന്ത്രിയോട് ജെ.എസ്.എസ് നേതാവ് കെ.ആര്‍ ഗൗരിയമ്മ. നിയമസഭയുടെ വജ്രജൂബബിലി ആഘോഷവുമായി ബന്ധപ്പെട്ട് മുന്‍ സാമാജികരുടെ സുഹൃദ്‌സംഗമത്തിലാണ് മുഖ്യമന്ത്രി പിണറായി വിജയനോട് ഗൗരിയമ്മ സ്ത്രീസുരക്ഷയെ പറ്റിയുള്ള കാര്യങ്ങൾ ഗൗരവമായി ചർച്ച ചെയ്തത്.

പഴയ നിയമസഭാ മന്ദിരത്തില്‍ ചേര്‍ന്ന സമ്മേളനത്തില്‍ സ്പീക്കര്‍ പി.ശ്രീരാമകൃഷ്ണ, പ്രതിപക്ഷ നേതാവ് രമേശ് ചെന്നിത്തല, മുന്‍ മുഖ്യമന്ത്രി ഉമ്മന്‍ ചാണ്ടി എന്നിവരും പങ്കെടുത്തു. മന്ത്രിമാരും മുന്‍കാല മന്ത്രിമാരും എം.എല്‍.എമാരും ചടങ്ങിനെത്തിയിരുന്നു.