വന്നു കണ്ടു കീഴടക്കി... സ്കൂള് കലോത്സവ വേദി കീഴടക്കി സ്ഥാനാര്ത്ഥികള്
വേങ്ങര ഉപതെരഞ്ഞെടുപ്പില് ഇന്നത്തെ സ്ഥാനാര്ത്ഥികളുടെ പ്രചാരണ സ്ഥലം സ്കൂള് കലോത്സവ വേദിയായിരുന്നു. കുട്ടികളുടെ ആവേശത്തിനൊപ്പം സ്ഥാനാര്ത്ഥികളും ചേര്ന്നതോടെ കലോത്സവവേദി പൂരപ്പറമ്പായി.വിദ്യാര്ത്ഥികളെ കണ്ട് അവരുടെ ആവശ്യങ്ങള് മനസ്സിലാക്കാനും കൂടിയാണ് എത്തിയതെന്നും സ്ഥാനാര്ത്ഥികള് പറഞ്ഞു. വിദ്യാര്ത്ഥികളുടെ രസകരമായ ചോദ്യങ്ങള്ക്ക് മറുപടി നല്കാനും സ്ഥാനാര്ത്ഥികള് മടിച്ചില്ല.വിദ്യാര്ത്ഥികളെ അക്ഷരാര്ത്ഥത്തില് കീഴടക്കുന്ന മറുപടികളുമായി സ്ഥാനാര്ത്ഥികള് വേദി കയ്യടക്കി.
നേരത്തെ പാണക്കാട് ഹൈദരലി ശിഖാബ് തങ്ങളെ ഇടത് വലത് സ്ഥാനാര്ത്ഥികള് ഒരുമിച്ച് സന്ദര്ശിച്ചിരുന്നു. തെരഞ്ഞെടുപ്പിന്റെ നാളുകള് അടുത്തതോടെ മുന്നണികള് ശക്തമായ പ്രചാരണ പരിപാടികളുമായി മുന്നോട്ട് പോവുകയാണ്.കുടുംബയോഗങ്ങളും കണ്വെന്ഷനുകളുമായി മുന്നണികള് തിരക്കിട്ട പ്രചാരണമാണ് നടത്തുന്നത്. വരും ദിവസങ്ങളില് മുതിര്ന്ന നേതാക്കള് കൂടി എത്തുന്നതോടെ വേങ്ങര മണ്ഡലം കൂടുതല് സജീവമാകും.
https://www.facebook.com/Malayalivartha
