ദിലീപിന്റെ വരവ് ആഘോഷമാക്കി ആരാധകര്...
നടിയെ ആക്രമിച്ച ഗൂഢാലോചന കേസില് റിമാന്ഡിലായിരുന്ന നടന് ദിലീപിന് ജാമ്യം ലഭിച്ചപ്പോള് ആഘോഷമാക്കി ആരാധകര്. 85 ദിവസത്തെ ജയില് വാസത്തിന് ശേഷമാണ് ദിലീപിന് ജാമ്യം ലഭിക്കുന്നത്. ജയിലിന് പുറത്ത് സഹപ്രവര്ത്തകരും ഫാന്സ് അസോസിയേഷന് പ്രവര്ത്തകരും വന് വരവേല്പ്പാണ് ദിലീപിന് വേണ്ടി തയ്യാറാക്കിയത്. ആലുവ ഡിവൈഎസ്പിയുടെ നേതൃത്വത്തില് വന് സുരക്ഷാ സംവിധാനങ്ങളും ജലിയിന് പുറത്ത് ഒരുക്കിയിരുന്നു.
ആരാധകര് ലഡു വിതരണം ചെയ്തും ദിലീപിന്റെ വലിയ കട്ടൗട്ടില് മാലയിട്ടും സന്തോഷം പങ്കിട്ടു. നടനും സംവിധായകനുമായ കലാഭവന് അന്സാര്, ധര്മജന് ബോള്ഗാട്ടി തുടങ്ങിയ പ്രമുഖരും ജയിലിന് മുന്നിലെത്തിയിരുന്നു. ദിലീപിനെ മോചിപ്പിക്കാനുള്ള അങ്കമാലി മജിസ്ട്രേറ്റിന്റെ ഉത്തരവുമായി സഹോദരന് അനൂപാണ് ആലുവ സബ്ജയിലിലെത്തിയത്.
കര്ശന ഉപാധികളോടെയാണ് ജാമ്യം അനുവദിച്ചത്.സോപാധിക ജാമ്യം അനുവദിക്കണമെന്ന് ആവശ്യപ്പെട്ട് 35 പേജുള്ള ജാമ്യഹര്ജിയാണ് ദിലീപ് സമര്പ്പിച്ചത്. അന്വേഷണം അവസാനഘട്ടത്തിലെത്തിയ സാഹചര്യത്തിലാണ് ജാമ്യം അനുവദിച്ചത്. ഗൂഢാലോചനക്കേസ് ആയതിനാല് ഇനി ജയിലില് തുടരേണ്ടതില്ലെന്നും കോടതി അറിയിച്ചു.
https://www.facebook.com/Malayalivartha
