മൂന്നിലധികം വിവാഹം കഴിച്ച യുവാവുമായി യുവതി ഒളിച്ചോടിപ്പോയി. കാഞ്ഞിരപ്പള്ളി സ്വദേശിയും ബസ് ജീവനക്കാരനുമായ വിവാഹത്തട്ടിപ്പുവീരൻ ആയൂബ് എന്ന യുവാവിനൊപ്പമാണ് ബിരുദവിദ്യാർഥിനി വീട്ടിൽ നിന്നും പടിയിടങ്ങിപ്പോയത്. വീട്ടുകാര്‍ യുവതിയെ കാണാനില്ലെന്ന് നല്‍കിയ പരാതിയുടെ അടിസ്ഥാനത്തില്‍ തിടനാട് പോലീസ് അന്വേഷിച്ചതിന്റെ ഫലമായി ഇരുവരെയും കൊടൈക്കനാലിൽനിന്ന് കണ്ടെത്തുകയും പിന്നീട് യുവതിയെ വീട്ടുകാരെ ഏൽപ്പിക്കുകയും ചെയ്തിരുന്നു. മൂന്ന് തവണ വിവാഹം കഴിച്ചയാളാണ് ആയൂബ് എന്ന യുവതിയോട് പോലീസ് പറഞ്ഞു.

യുവതിയെ ഷെല്‍ട്ടര്‍ഹോമിലേക്ക് മാറ്റുകയും ഇന്നലെ അച്ഛനും ബന്ധുവും ഷെല്‍ട്ടര്‍ ഹോമില്‍ എത്തിയതിനെ തുടര്‍ന്ന് ഇവര്‍ക്കൊപ്പം പെണ്‍കുട്ടിയെ വിടുകയും ചെയ്തു. കാറിലായിരുന്നു യാത്ര. വാഹനം കൈപ്പട്ടൂര്‍ പാലത്തില്‍ എത്തിയപ്പോള്‍ ഛര്‍ദ്ദിക്കണമെന്ന് പറഞ്ഞ് നിര്‍ത്തിച്ച ശേഷമാണ് ആറ്റിലേക്ക് എടുത്തുചാടിയത്. ആറിന്റെ തിട്ടയില്‍ പിടിച്ചു കിടന്ന യുവതിയെ പോലീസെത്തി രക്ഷപെടുത്തി. ആയൂബിനെ പോലീസ് അറസ്റ്റ് ചെയ്തു.