നടന്‍ ദിലീപിന് ജാമ്യം കിട്ടിയ വാർത്തയറിഞ്ഞ് ആലുവ സബ് ജയിലിന് മുന്നില്‍ ദിലീപിനെ വരവേൽക്കാൻ എത്തിയവരുടെ കൂട്ടത്തിൽ ധര്‍മ്മജനമുണ്ടായിരുന്നു. വളരെയേറെ ആഹ്ലാദത്തോടെ ദിലീപേട്ടനെ കാണാൻ ആരാധകർക്കിടയിൽ നിന്ന ധർമ്മജൻ ആനന്ദാശ്രുക്കൾ പൊഴിച്ചുക്കൊണ്ടിരുന്നു. ഒടുവിൽ പൊട്ടിക്കരയാൻ തോന്നി ധർമ്മജന്.

ദിലീപേട്ടനെ ജയിലിൽ കാണാൻ പോകാതിരുന്നത് പേടി കൊണ്ടാണെന്നാണ് ധർമ്മജൻ പറയുന്നത്. ദിലീപേട്ടന് ജാമ്യം കിട്ടിയതില്‍ ഒരുപാട് സന്തോഷമുണ്ട്. ജാമ്യം കിട്ടിയാല്‍ പൊട്ടിക്കാന്‍ വീട്ടില്‍ പടക്കം വാങ്ങി വെച്ചിരുന്നുവെന്ന് ധര്‍മ്മജന്‍ പറഞ്ഞു.

ദിലീപ് ജയിലില്‍ നിന്നിറങ്ങിയപ്പോള്‍ സബ് ജയിലിന് മുന്നിൽ നിന്ന ധര്‍മ്മജനുള്‍പ്പെടെയുള്ള താരങ്ങള്‍ ദിലീപിനെ സ്വീകരിക്കാന്‍ വീട്ടിലും എത്തി. നേരത്തെ ജാമ്യവാര്‍ത്തയറിഞ്ഞയുടന്‍ ജയില്‍ പരിസരത്ത് ദിലീപിന്റെ ആരാധകരും എത്തിയിരുന്നു. റിലീസിങ് നടപടി പൂര്‍ത്തിയായതോടെ പുറത്തിറങ്ങിയ ദിലീപ് സഹോദരന്‍ അനൂപിനൊപ്പം കൂടുംബവീട്ടിലേക്കാണ് പോയത്.