കളി തുടങ്ങിയിട്ടേയുള്ളൂ... മഞ്ജുവിന് വേണ്ടി ഒന്നിച്ച സിനിമ കൂട്ടായ്മ ഔട്ട്; ഇനി തീയറ്ററില് കയറ്റാത്ത സിനിമകളില് അഭിനയിച്ച് സിനിമാ നടിമാരെന്ന് പറഞ്ഞ് ചാനലുകളില് ചേക്കേറാം
കൊച്ചിയില് നടിയാക്രമിക്കപ്പെട്ട കേസില് കഴിഞ്ഞ 85 ദിവസമായി ജയിലില് കിടന്ന നടന് ദിലീപ് ജാമ്യത്തില് പുറത്തിറങ്ങിയതൊടെ ഞെട്ടിയിരിക്കുന്നത് സിനിമയിലെ വനിതാ കൂട്ടായ്മയായ വിമണ് ഇന് കളക്റ്റീവാണ്. ദിലീപ് അസ്റ്റിലായപ്പോള് നഷ്ടപ്പെട്ട ഔദ്യോഗിക സ്ഥാനങ്ങളൊക്കെ തിരിച്ച് എത്തിയതോടെ താരത്തിനു വീണ്ടും തിരികെ ലഭിച്ചു. കൊച്ചിയില് നടന്ന അടിയന്തരയോഗത്തില് ദിലീപിനെ വീണ്ടും തിയേറ്റര് ഉടമകളുടെ സംഘടനയുടെ പ്രസിഡന്റായി തിരഞ്ഞെടുത്തു. കൊച്ചിയില് നടന്ന പ്രത്യേക യോഗത്തിലായിരുന്നു ഈ തിരഞ്ഞെടുപ്പ്. നിലവിലെ പ്രസിഡന്റായ ആന്റണി പെരുമ്പാവൂര് സ്ഥാനം ഒഴിഞ്ഞു വൈസ് പ്രസിഡന്റാകുകയും ദിലീപിനെ പ്രസിഡന്റാക്കുകയുമാണു സംഘടന ചെയ്തത്.
സിനിമാ തീയേറ്റര് ഉടമകളുടെ അമരത്തെത്തിയതോടെ ഇനിയേത് സിനിമകള് എത്രനാള് തീയേറ്ററുകളില് ഓടിക്കണമെന്നുള്ള അവകാശവും ദിലീപിന് കിട്ടിയിരിക്കുകയാണ്. ഇതോടെ ദിലീപിനെ എതിര്ത്ത താരങ്ങളെല്ലാം വെട്ടിലായിരിക്കുകയാണ്. പ്രത്യേകിച്ചും വനിതാ കൂട്ടായ്മയിലെ താരങ്ങള്. മഞ്ജു വാര്യര്, റിമാ കല്ലിങ്കല്, രമ്യാ നമ്പീശന്, പാര്വ്വതി തുടങ്ങിയ നടിമാര്, അജ്ഞലി മേനോന്, വിധു വിന്സെന്റ് തുടങ്ങിയ സംവിധായകര്, ഗായികയായ സൈനോര, എഡിറ്റര് ബീനാപോള് തുടങ്ങിയ സിനിമയിലെ വിവിധ മേഖലകളില് വര്ക്ക് ചെയ്യുന്ന നിരവധി പേര്ക്കാണ് ഇനി ചാന്സ് നഷ്ടപ്പെടുന്നത്. പ്രൊഡ്യൂസര്മാര് കാശ് മുടക്കുന്നത് തീയേറ്ററില് സിനിമയെത്തി ജനം കണ്ട് കാശ് തിരികെ കിട്ടാന് വേണ്ടിയാണ്. അല്ലാതെ അതിന് തടസ്സമായി വരുന്ന ഒരാളെ പോലും സിനിമയില് വൈക്കില്ലെന്നാണ് മുന്കാല അനുഭവം.
ഇതേയൊരവസ്ഥയിലാണ് ദിലീപിനെ എതിര്ത്ത വനിതാ കൂട്ടായ്മയിലെ താരങ്ങളുടെയും മറ്റുള്ളവരുടെയും അവസ്ഥ. ശക്തനായി തിരിച്ചുവന്ന ദിലീപ് ഉടന് ജയിലിലേക്ക് പോകില്ലെന്ന് എല്ലാ സിനിമക്കാര്ക്കും അറിയാം. ദിലീപ് ജയിലിലായിരുന്ന സമയത്ത് പോലും സ്വന്തം സിനിമയായ രാമലീല വര് ഹിറ്റാക്കാന് കഴിഞ്ഞിരുന്നു. അപ്പോള് പുറത്തുള്ള ദിലീപിന് സിനിമയിലെ സര്വ്വ മേഖലയേയും നിയന്ത്രിക്കാന് കഴിയും.
ദിലീപ് ഒരു നടന് മാത്രമല്ല. നിര്മ്മാതാവും വിതരണക്കാരനും തീയേറ്റര് ഉടമയും കൂടിയാണ്. മാത്രമല്ല ഇപ്പോള് തീയേറ്റര് ഉടമകളുടെ നേതാവും. അതുകൊണ്ട് മറ്റ് താരങ്ങള്ക്ക് അന്യഭാഷയിലേക്ക് ചേക്കേറുകയോ സീരിയലില് അഭിനയിക്കുകയോ ചാനലുകളില് പോയി വാചകമടിച്ചിരിക്കുകയോ ചെയ്യാം.
ദിലീപ് പുറത്തിറങ്ങിയതോടെ താരസംഘടനയായ അമ്മയും നിലപാട് തിരുത്തിയേക്കും. അമ്മയില് ദിലീപിനെ എതിര്ക്കുന്ന പക്ഷത്തിന് ഇനി പിന്തുണ ലഭിക്കില്ല എന്നും പറയുന്നു. ദിലീപ് ജയിലിലായതോടെ 50 കോടിയുടെ പ്രോജക്ടുകളാണ് അവതാളത്തിലായത്. അവ ഉടനെ പൂര്ത്തിയാക്കും.
https://www.facebook.com/Malayalivartha
