യുഡിഎഫിന്റെ രാപ്പകൽ സമരത്തില്‍ പങ്കെടുത്തതിന് വിശദീകരണവുമായി പി.ജെ. ജോസഫ് എംഎൽഎ. യു ഡി എഫ് സമരവേദിയിലെത്തിയതിനു പുതിയ രാഷ്ട്രീയമാനം നല്‍കേണ്ടതില്ല. ചരല്‍ക്കുന്ന് ക്യാംപിലെടുത്ത തീരുമാനങ്ങള്‍ക്ക് മാറ്റമില്ലെന്നും പി.ജെ.ജോസഫ് വ്യക്തമാക്കി.തൊടുപുഴ മുനിസിപ്പൽ മൈതാനിയിൽ സംഘടിപ്പിച്ച രാപ്പകൽ സമരത്തിലാണ് ജോസഫ് പങ്കെടുത്തത്.

കേരള കോണ്‍ഗ്രസ് (എം) ഉയര്‍ത്തുന്ന മുദ്രാവാക്യങ്ങളാണ് സമരപന്തലിൽ ഉയർന്നു കേട്ടത്. മുന്നണി വിട്ടെങ്കിലും പലപ്പോഴും നിയമസഭയിലും ഒരേ നിലപാട് സ്വീകരിക്കാറുണ്ടെന്നും അദ്ദേഹം വ്യക്തമാക്കി. മുന്നണി വിട്ട ശേഷം ആദ്യമായാണ് ജോസഫ് യു ഡി എഫിന്റെ പരിപാടിയിൽ പങ്കെടുക്കുന്നത്.സമരത്തിന് ആശംസ അറിയിക്കാനെത്തിയ സ്ഥലം എം എൽ എ സമരപന്തലിൽ പ്രസംഗിച്ച ശേഷമാണ് മടങ്ങിയത്.