തൃപ്പുണിത്തുറയിലെ വിവാദ ​യോഗ കേന്ദ്രത്തിനെതിരെ സർക്കാർ ശക്​തമായ നടപടി സ്വീകരിക്കണമെന്ന് കോടിയേരി ബാലകൃഷ്ണൻ.സംസ്​ഥാനത്ത്​ ഇത്തരം കേന്ദ്രങ്ങൾ പ്രവർത്തിക്കാൻ പാടില്ല. ഇതിന്​ പിന്നിൽ പ്രവർത്തിച്ച ആരെയും സംരക്ഷിക്കേണ്ട കാര്യമില്ല. മുൻവിധിയില്ലാതെ പൊലീസ്​ നടപടിയെടുക്കണമെന്നുംഅദ്ദേഹം ആവശ്യപ്പെട്ടു.

വിവാദമായ തൃപ്പൂണിത്തറയിലെ ശിവശക്തി യോഗ കേന്ദ്രത്തിനെതിരേ ഗുരുതരമായ ആരോപണങ്ങളാണ് പുറത്തുവന്നത്. യോഗ കേന്ദ്രത്തിൽ ലൈംഗിക പീഡനങ്ങളും പെണ്‍കുട്ടികളുടെ നഗ്ന ചിത്രങ്ങള്‍ പകര്‍ത്തി ഭീഷണിപ്പെടുത്തുകയും ചെയ്തു എന്ന വാർത്തകൾ പുറത്തുവന്നിരുന്നു. പെണ്‍കുട്ടികളുടെ രക്ഷിതാക്കളില്‍ നിന്ന് പതിനായിരം മുതല്‍ ലക്ഷങ്ങള്‍ വരെ ഫീസ് വാങ്ങിയിരുന്നു. പലിശ, ഭൂമി ഇടപാടുകള്‍ക്കായാണ് ഈ വരുമാനം വിനിയോഗിക്കുന്നത് എന്ന ആരോപണവും ഉണ്ടായിരുന്നു.