മതത്തെ ദുരുപയോഗം ചെയ്യുമ്പോഴാണ് തീവ്രവാദപ്രവര്ത്തനം ഉണ്ടാകുന്നതെന്ന് ഡോ. സൂസപാക്യം
മതത്തെ ദുരുപയോഗം ചെയ്യുമ്പോഴാണ് തീവ്രവാദപ്രവര്ത്തനം ഉണ്ടാകുന്നതെന്നും അത് ഏതു മതത്തിലും സമൂഹത്തിലും സംഭവിക്കാമെന്നും ലത്തീന് കത്തോലിക്കാസഭാ ആര്ച്ച്ബിഷപ് ഡോ. എം സൂസപാക്യം. വിശ്വാസവുമായി ബന്ധപ്പെട്ട വിഷയങ്ങളില് വിവിധ സംഘടനകളുമായി ചര്ച്ചയ്ക്കു തയ്യാറാണെന്നും അദ്ദേഹം പറഞ്ഞു.
മിഷന് കോണ്ഗ്രസ്-ബിബിസി കണ്വന്ഷന്റെ സമാപനത്തോടനുബന്ധിച്ച് സംഘടിപ്പിച്ച വാര്ത്താസമ്മേളനത്തില് സംസാരിക്കുകയായിരുന്നു അദ്ദേഹം. മിഷനറി പ്രവര്ത്തനത്തെപ്പറ്റി പലര്ക്കും തെറ്റിദ്ധാരണയുണ്ട്.പരസ്പരസ്നേഹത്തോടെയും സഹായത്തിലൂടെയും മുന്നോട്ടുപോകാനാണ് സഭ ഉദ്ദേശിക്കുന്നത്. ഇന്ത്യന് ഭരണഘടന അനുസരിച്ച് ഒരാള്ക്ക് ഏതു മതത്തില് വിശ്വസിക്കാനും പ്രചരിപ്പിക്കാനും അവകാശമുണ്ട്.
ഇത് നിഷേധിക്കരുത്. എന്നാല്, ശക്തി പ്രകടിപ്പിക്കാനും എണ്ണം വര്ധിപ്പിക്കാനുമായി അവിഹിതമാര്ഗം സ്വീകരിക്കാന് പാടില്ല. കേരളത്തിലെ മദ്യസംസ്കാരത്തിനെതിരെ ബഹുജനമുന്നേറ്റം സംഘടിപ്പിക്കുമെന്നും സൂസപാക്യം പറഞ്ഞു. ആര്ച്ച്ബിഷപ് ഡോ. ജോസഫ് കളത്തിപ്പറമ്പില്, സമുദായവക്താവ് ഷാജി ജോര്ജ്, ഫാ. ഫ്രാന്സിസ് സേവ്യര് തുടങ്ങിയവരും വാര്ത്താസമ്മേളനത്തില് പങ്കെടുത്തു.
https://www.facebook.com/Malayalivartha
