ഒരു സ്ത്രീയുടെ ഏറ്റവും വലിയ ഒരു ആഗ്രഹമായിരിക്കും ഒരമ്മയാകുക എന്നത്. വിവാഹം കഴിഞ്ഞിട്ടും കുഞ്ഞുങ്ങളില്ലാത്ത എത്രയോ പേര്‍ ഉണ്ട്. അവരുടെ ദുഖങ്ങള്‍ ആര്‍ക്കും പറഞ്ഞറിയിക്കാന്‍ കഴിയില്ല. അനുഭവമുള്ളവര്‍ക്കേ അതു മനസ്സിലാകൂ. ലോകത്തിലെ ഏറ്റവും വലിയ വേദനയാണ് പ്രസവവേദന എന്നാണ് പറയാറ്. ഒരു സ്ത്രീക്ക് അനുഭവിക്കേണ്ടിവരുന്നതില്‍ വച്ചേറ്റവും വലിയ വേദനയുമാണത്. മാതൃത്വത്തിന്റെ ഗാഢതയും പവിത്രതയും ആ വേദനയുടെ ഉറപ്പാണ്. കുഞ്ഞിന് ജന്മം നല്കുമ്പോള്‍ സ്ത്രീ അനുഭവിക്കുന്ന വേദനയുടെ കാരണമായി പറയുന്നത് ജന്മപാപമെന്നാണ്. എന്നാല്‍ കുഞ്ഞു പിറന്ന് ആ പൊന്നോമനയെ ഒരു നോക്കു കാണുമ്പോള്‍ എല്ലാ അമ്മമാരും ആ വേദന അപ്പാടെ മറക്കും. അത് പ്രപഞ്ച സത്യമാണ്.

ഇതാ ഇവിടെ കാത്തിരുന്നു പിറന്ന പൊന്നോമനയെ ഒരു നോക്കു കാണാനാകാതെ ഒരമ്മ. പ്രസവത്തിനുശേഷം പൊന്നോമനയെ കാണുന്നതിന് തടസ്സമായത് ആ വിധി ആയിരുന്നു. പ്രസവത്തോടെ അമ്മയുടെ കാഴ്ച ശക്തി നഷ്ടമായതോടെയാണ് കണ്ണു നിറയ്ക്കും രംഗങ്ങള്‍ ആശുപത്രിയില്‍ അരങ്ങേറിയത്.
ആലപ്പുഴ തത്തംപള്ളിയിലെ സ്വകാര്യ ആശുപത്രിയിലായിരുന്നു യുവതിയുടെ പ്രസവം. വിദേശത്ത് ജോലി ചെയ്യുന്ന യുവതി പ്രസവത്തിനായാണ് അടുത്തിടെ നാട്ടിലെത്തിയത്. കഴിഞ്ഞ ദിവസം ശസ്ത്രക്രിയയിലൂടെയാണ് പ്രസവം നടന്നത്.

പ്രസവത്തിനു പിന്നാലെ അമ്മയുടെ കാഴ്ചശക്തി നഷ്ടപ്പെട്ടതായി ആശുപത്രി അധികൃതര്‍ ബന്ധുക്കളെ അറിയിക്കുകയായിരുന്നു. ചികിത്സാ പിഴവാണ് കുഞ്ഞിന്റെ അമ്മയ്ക്കുണ്ടായ ഈ ക്രൂര വിധിക്കു കാണമായതെന്ന് ബന്ധുക്കള്‍ ആശുപത്രിക്കെതിരെ ആരോപണം ഉയര്‍ത്തി. യുവതിയെ വിദഗ്ധ ചികിത്സായ്ക്കായി യുവതിയെ എറണാകുളത്തെ സ്വകാര്യ ആശുപത്രിയിലേയ്ക്ക് മാറ്റി.