ഹർത്താൽ ദിവസങ്ങളിൽ പൊതുമുതൽ നശിപ്പിക്കുന്നവർക്കെത്തഗിരി കേസ് എടുക്കാനും അത്തരം ആളുകളെ നിയമത്തിനു മുന്നിൽ കൊണ്ട് വരാനും ഉത്തരവായി.സംസ്ഥാന മനുഷ്യാവകാശ കമ്മീഷനാണു ഉത്തരവ് പുറപ്പെടുവിച്ചിരിക്കുന്നത്.ഇതോടെ ഹർത്താൽ ദിവസം ഹർത്താൽ അനുകൂലികൾ നടത്തുന്ന അക്രമങ്ങൾക്കും പൊതുമുതൽ നശിപ്പിക്കുന്നതിനും കടിഞ്ഞാൺ ഇടാൻ നിയമമായി .ഹർത്താൽ ദിനത്തിൽ ആശുപത്രികളിലേക്കും സർക്കാർ ഓഫീസുകളിലേക്കും സ്ക്കുളിലേക്കും വിദ്യാഭ്യാസ സ്ഥാപനങ്ങളിലേക്കും പോകുന്നവർക് പോലീസ് സംരക്ഷണ ഏർപ്പെടുത്തണം എന്നും മനുഷ്യവകാശ കമ്മീഷൻ പുറപ്പെടുവിച്ച ഉത്തരവിൽ പറയുന്നു. പൊതുമുതൽ നശിപ്പിക്കുന്നവർക്കെതിരെ നടപടിയെടുക്കാൻ ജില്ലാ പോലീസ് മേധാവികളോട് നിർദേശം കൊടുക്കണമെന്ന് സംസ്ഥാന പോലീസ് മേധാവിയോടും മനുഷ്യാവകാശ കമ്മീഷൻ ആവശ്യപെട്ടിട്ടുണ്ട് ജനാധിപത്യത്തിൽ ഹർത്താലുകളും സമരങ്ങളും നിരോധിക്കുന്നത് ശരിയല്ല എന്നും അതേസമയം ഹർത്താലിൽ അക്രമം നടത്തുന്നത് തടയിടേണ്ടതാണ് എന്നും കമ്മീഷൻ നിരീക്ഷിച്ചു .