സോളാര് ജുഡീഷ്യല് കമ്മീഷന് റിപ്പോര്ട്ട് വിവരാവകാശ നിയമപ്രകാരം ഉമ്മന്ചാണ്ടിക്ക് നല്കണം; ഇല്ലെങ്കില് ഉദ്യോഗസ്ഥന് പിഴയടയ്ക്കേണ്ടി വരും
സോളാര് ജുഡീഷ്യല് കമ്മീഷന് റിപ്പോര്ട്ട് നിയമസഭയില് വയ്ക്കും മുമ്പ് വിവരാവകാശ നിയമപ്രകാരം ഉമ്മന്ചാണ്ടിക്ക് നല്കാം. മാറാട് കേസിനെ കുറിച്ച് അന്വേഷിച്ച കമ്മീഷന്റെ റിപ്പോര്ട്ട് നിയമസഭയില് വയ്ക്കും മുമ്പ് പ്രമുഖ വിവരാവകാശ പ്രവര്ത്തകനായ അഡ്വ. ഡി.ബി ബിനുവിന് ലഭിച്ചിരുന്നു. അതുകൊണ്ട് ഉമ്മന്ചാണ്ടിക്കും നല്കാം. ഇല്ലെങ്കില് ബന്ധപ്പെട്ട ഉദ്യോഗസ്ഥന് പിഴ അടയ്ക്കേണ്ടിവരും. അങ്ങനെ സംഭവിച്ചിട്ടുണ്ട്.
മാറാട് ജുഡീഷ്യല് കമ്മീഷന് റിപ്പോര്ട്ട് വിവരാവകാശ നിയമ പ്രകാരം ആവശ്യപ്പെട്ടു കൊണ്ട് നിയമ സമീക്ഷ എഡിറ്റര് കൂടിയായ അഡ്വ. ഡി.ബി. ബിനു സമര്പ്പിച്ച അപേക്ഷ അന്നത്തെ ആഭ്യന്തരവകുപ്പ് അഡീഷണല് ചീഫ് സെക്രട്ടറി കെ.കെ രമണി നിരസിച്ചിരുന്നു. തുടര്ന്ന് ബിനു മുഖ്യവിവരാവകാശ കമ്മീഷനായിരുന്ന പാലാട്ട് മോഹന്ദാസിനെ സമീപിച്ചു. അദ്ദേഹം റിപ്പോര്ട്ട് ഡി.ബി ബിനുവിന് നല്കുകയും റിപ്പോര്ട്ട് നല്കാതിരുന്ന അഭ്യന്തരവകുപ്പ് അഡീഷണല് ചീഫ് സെക്രട്ടറി 25,000 രൂപ പിഴ അടയ്ക്കേണ്ടിയും വന്നു.
നിയമസഭയുടെ പ്രിവില്ലേജ് ചൂണ്ടിക്കാട്ടി റിപ്പോര്ട്ട് നല്കാനാവില്ലെന്ന് കാട്ടി സര്ക്കാരിന് കോടതിയില് പോകാനാകും. എന്നാല് ഉമ്മന്ചാണ്ടിക്കെതിരെ ബലാല്സംഘം ഉള്പ്പെയെയുള്ള കേസില് പുനരന്വേഷണം പ്രഖ്യാപിച്ചതിനാല് തനിക്കെതിരെ എന്തൊക്കെ കാര്യങ്ങളില് എന്തിന്റെയൊക്കെ അടിസ്ഥാനത്തിലാണ് അന്വേഷണം നടക്കുന്നതെന്ന് അറിയാനുള്ള അവകാശം അദ്ദേഹത്തിനുണ്ട്. സ്വാഭാവിക നീതിയുടെ അടിസ്ഥാനത്തില് ചിലപ്പോള് കോടതിയും റിപ്പോര്ട്ട് നല്കാന് സര്ക്കാരിനോട് ആവശ്യപ്പെട്ടേക്കാം. എങ്ങനെയായാലും ഉമ്മന്ചാണ്ടിക്ക് റിപ്പോര്ട്ട് ലഭ്യമാകുമെന്നാണ് നിയമവിദഗ്ധര് പറയുന്നത്.
1952 ലെ കമ്മീഷന് ഓഫ് എന്ക്വയറി ആക്ട് പ്രകാരം രൂപീകരിച്ച കമ്മീഷന്, റിപ്പോര്ട്ട് സര്ക്കാരിന് സമര്പ്പിച്ചാല് ആറ് മാസത്തിനുള്ളില് ആക്ഷന് ടേക്കണ് റിപ്പോര്ട്ട് സഹിതം നിയമസഭയില് വെക്കണമെന്ന കീഴ് വഴക്കം. പക്ഷെ, 2005 ലെ വിവരാവകാശ നിയമം പ്രാബല്യത്തില് വന്നതിനാല് റിപ്പോര്ട്ട് ആവശ്യപ്പെടുന്നവര്ക്ക് നല്കണമെന്ന് വിവരാവകാശ കമ്മീഷന്റെ വിധി ന്യായത്തില് പറയുന്നു. ഈ വിധി നില നില്ക്കുന്ന സാഹചര്യത്തില് ഉമ്മന് ചാണ്ടി വിവരാവകാശ നിയമപ്രകാരം ആവശ്യപ്പെട്ട റിപ്പോര്ട്ട് സംസ്ഥാന സര്ക്കാര് കൊടുക്കാതിരിക്കുന്നത് നിയമ ലംഘനമാകും. അത് ഭരിക്കുന്ന മുഖ്യമന്ത്രിക്കോ, മറ്റ് മന്ത്രിമാര്ക്കോ പ്രശ്നമാകില്ല. ബന്ധപ്പെട്ട വിവരാവകാശ കമ്മീഷന് ഉദ്യോഗസ്ഥന് പിഴ നല്കേണ്ടിവരും.
https://www.facebook.com/Malayalivartha
