നമ്മുടെ മനസിലെ ചോദ്യങ്ങള്ക്ക് ഉത്തരവുമായി ജയറാം
തന്റെ ജീവിതത്തിലെ വിശേഷങ്ങളും സന്തോഷങ്ങളും ജയറാം ആരാധകര്ക്കു വേണ്ടി പങ്കുവച്ചു. സൗന്ദര്യത്തിന്റെ രഹസ്യം എന്താണ് എന്ന് അവതാരകയുടെ ചോദ്യത്തിന് ജയറാമിന്റെ ഉത്തരം അല്പ്പം നീണ്ടതായിരുന്നു. സൈക്ലിങ്, മൂന്നുമണിക്കൂര് ചെണ്ടകൊട്ട്, ഭക്ഷണ നിയന്ത്രണം എന്നിവയൊക്കെയാണു തന്റെ ചെറുപ്പത്തിന്റെ കാരണങ്ങളെന്നായിരുന്നു ജയറാമിന്റെ മറുപടി. ജയറാമിന്റെ മകന് കാളിദാസന് നായകനാകുന്ന ആദ്യമലയാള ചിത്രം പൂമരത്തിന്റെ വിശേഷങ്ങളും താരം ആരാധകരുമായി പങ്കുവച്ചു. ഡിസംബറില് പൂമരം റിലീസ് ചെയ്യുമെന്ന് ജയറാം പറയുന്നു.
മകള് മാളവികയുടെ സിനിമ പ്രവേശം ഉടന് ഉണ്ടാകുമോ എന്ന ചോദ്യത്തിന് ജയറാമിന്റെ മറുപടി ഇങ്ങനെ. മകള് അഭിനയിക്കുമോ എന്ന് ഒരുപാടു പേര് ചോദിച്ചിരുന്നു. പക്ഷേ അവള്ക്കു താല്പ്പര്യം ഇല്ല. കായിക മേഖലയിലാണു കക്ഷിക്കു താല്പ്പര്യം. ലണ്ടനില് സ്പോര്ട്സ് മാനേജ്മെന്റ് കോഴ്സ് ചെയ്യുകയാണ് അവള്.
തന്റെയും മക്കളുടെയും എല്ല വിജയങ്ങളുടെയും ക്രെഡിറ്റ് ഭാര്യ പാര്വതിക്കാണ്. സിനിമയില് പാര്വതി ഏറ്റവും ഉയര്ന്ന നിലയില് നില്ക്കുമ്പോഴായിരുന്നു വിവാഹം. മക്കളെ നന്നായി വളര്ത്തി വലുതാക്കുന്നതു വരെ മറ്റൊരു പരിപാടിക്കും ഇല്ലെന്നു പറഞ്ഞു പാര്വതി തന്നെയാണു സിനിമയില് നിന്നു മാറി നിന്നത്. നൂറുശതമാനം വീട്ടമ്മയായി മകനെയും മകളെയും നല്ല രീതിയില് വളര്ത്തിയതിന്റെ ക്രെഡിറ്റ് മുഴുവന് പാര്വതിക്കാണ് എന്നു ജയറാം പറയുന്നു.
https://www.facebook.com/Malayalivartha
