സ്വര്ണം മോഷണം പോകാതിരിക്കാന് വര്ക്ക് ഏരിയയിലെ വാഷിംഗ് മെഷിനില് ഒളിപ്പിച്ചു വച്ച വീട്ടുകാരെ കാത്തിരുന്നത് ഇരട്ട പ്രഹരം
വീട് പൂട്ടി മലപ്പുറത്തെ ബന്ധുവീട്ടില് പോയ സമയം സ്വര്ണം വിദഗ്ധമായി ഒളിപ്പിച്ച വീട്ടുകാര്ക്ക് കിട്ടിയത് ഇരട്ട പ്രഹരം. സ്വര്ണാഭരണങ്ങള് അടക്കമുള്ള വിലകൂടിയ നിരവധി സാധനങ്ങള് കവര്ന്നതായാണ് വിവരം. പാപ്പിനിശേരിയിലെ ഒരു ഗള്ഫുകാരന്റെ വീട്ടില് കഴിഞ്ഞ ബുധനാഴ്ചയ്ക്കും ഞായറാഴ്ചയ്ക്കും ഇടയിലാണ് കവര്ച്ച നടന്നത്.
ഗള്ഫുകാരന്റെ ബന്ധത്തിലുള്ള മലപ്പുറം ജില്ലയില് കല്യാണം കൂടാന് കുടുംബസമേതം ബുധനാഴ്ച രാവിലെ നാലിന് വീട് പൂട്ടി പുറപ്പെട്ടു. ആഭരണങ്ങള് വീട്ടിലെ മുതിര്ന്ന സ്ത്രീകള് പറഞ്ഞപ്രകാരം വര്ക്ക് ഏരിയയില് ഉപയോഗിക്കാതെ വച്ച വാഷിംഗ് മെഷീനില് തുണിയില് പൊതിഞ്ഞ് സൂക്ഷിച്ചു.
സംശയം തോന്നാതിരിക്കാന് കുറച്ചു പച്ചതേങ്ങയും മുകളില് ഇട്ടു. വര്ക്ക് ഏരിയയില് ഉള്ള ഗ്രില്സ് മുറിച്ച മോഷ്ടാക്കള് വാഷിംഗ് മെഷീന് അടക്കമുള്ള പല സാധനങ്ങള് കവര്ന്നു. ഇലക്ട്രോണിക് ഉപകരണങ്ങള് പലതും നഷ്ടപ്പെട്ട നിലയില് ആണ്. നാണക്കേട് ഓര്ത്തു പോലീസില് പോലും പരാതി പറഞ്ഞില്ല.
മുതിര്ന്ന സ്ത്രീ വാശി പിടിച്ചതു കാരണം ആഭരണങ്ങള് നഷ്ടപ്പെട്ടതിനെ ചൊല്ലി യുവതികള് തമ്മിലുള്ള വാക്കേറ്റം ആണ് കവര്ച്ച പുറത്ത് വരാന് കാരണമായത്. മൂന്ന് നെക്ലെയ്സ്, ആറു മാല,ഇരുപത് വളകള്,പത്ത് മോതിരം എന്നിവയടക്കം എണ്പത് പവന് ആഭരണങ്ങള് നഷ്ടപ്പെട്ടതായി പറയുന്നു. വാഷിംഗ് മെഷീന് ഡോര് റോഡില് ഉപേക്ഷിച്ച നിലയില് ബന്ധുക്കള് കണ്ടെത്തിയതോടെയാണ് കവര്ച്ച പുറത്ത് അറിഞ്ഞത്.
https://www.facebook.com/Malayalivartha
