നടിയെ ആക്രമിച്ച കേസിൽ ഒന്നാം പ്രതിയാക്കിയാൽ ദിലീപിന്റെ ജാമ്യം റദ്ദാക്കാൻ പോലീസ് തലപ്പത്ത് വൻ നീക്കം. കേസിൽ ഒന്നാം സ്ഥാനത്ത് വരുത്തിയാൽ ഉടൻ പ്രോസിക്യൂഷൻ ജാമ്യം റദ്ദാക്കാൻ കോടതിയേ സമീപിക്കും. കാരണം നിലവിലെ മുഖ്യ പ്രതി പൾസർ ജയിലിൽ കിടക്കുകയും ഒന്നാം പ്രതി ജയിലിനു പുറത്തും നില്ക്കുന്നതാകും പോലീസ് ചൂണ്ടിക്കാട്ടുക.

പൾസറിനേക്കാൾ കടുപ്പമുള്ള പ്രതിയായി കഴിഞ്ഞാൽ പൾസർ ജയിലിൽ കിടക്കുന്നതിന്റെ അതേ നിരീക്ഷണങ്ങൾ ദിലീപിനും ബാധകമാകും എന്നാകും വരിക.

ജാമ്യം ലഭിച്ചപ്പോൾ കിട്ടിയ വൻ സ്വീകരണം ദിലീപിന്റെ സ്വാധീനം കാണിക്കുന്നു എന്നും കുറ്റം ഇല്ലാതാക്കാനും, തെളിവുകളേയും സാക്ഷികളേയും സ്വാധീനിക്കാനും കഴിയും എന്നും പ്രോസിക്യൂഷൻ ചൂണ്ടിക്കാട്ടും. പുതിയ കുറ്റപത്രത്തില്‍ ദിലീപ് ഒന്നാം പ്രതിയായാല്‍ കേരളം ഇതുവരെ കാണാത്ത പല കാഴ്ചകളും കാണേണ്ടിവരുമോ എന്നാണ് ചോദ്യം ഉയരുന്നത്.

വന്‍ സ്വീകരണം ഒരു ബലാത്സംഗ കേസില്‍ പ്രതിചേര്‍ക്കപ്പെട്ട ആളാണ് ദിലീപ്. എന്നിരുന്നാലും ആരാധകരും സിനിമ താരങ്ങളും അടക്കം വന്‍ നിരയായിരുന്നു ദിലീപിനെ സ്വീകരിക്കാന്‍ ആലുവ ജയിലിന് മുന്നില്‍ എത്തിയിരുന്നത്.

കേസില്‍ ദിലീപ് ഒന്നാം പ്രതി ആക്കപ്പെട്ടാല്‍ നിലവില്‍ അനുവദിക്കപ്പെട്ട ജാമ്യത്തിന്റെ കാര്യം എന്താകും എന്നാണ് ചോദ്യം. ദിലീപിന്റെ ജാമ്യം റദ്ദാക്കപ്പെടാനുള്ള സാധ്യതയുണ്ടോ എന്ന രീതിയിലും ചര്‍ച്ചകള്‍ പുരോഗമിക്കുകയാണ്. സുനി അകത്ത് കിടക്കുമ്പോള്‍ ദിലീപ് ഒന്നാം പ്രതിയാകുമ്പോള്‍ പള്‍സര്‍ സുനി രണ്ടാം പ്രതിയാകും. അങ്ങനെ വരുമ്പോള്‍ രണ്ടാം പ്രതിക്ക് ജാമ്യം ലഭിക്കാതെ ഒന്നാം പ്രതി പുറത്തിറങ്ങി നടക്കുന്ന സാഹചര്യം ഉണ്ടാകും.