കൗമാരകുതിപ്പില് പാലാ... സംസ്ഥാന സ്കൂള് കായികോത്സവത്തിന് ഇന്ന് തിരിതെളിയും, മുഖ്യമന്ത്രി കായികോത്സവം ഉദ്ഘാടനം ചെയ്യും
61ാമത് സംസ്ഥാന സ്കൂള് കായികോത്സവത്തിന് ഇന്ന് തിരിതെളിയും.ഇതിന് മുന്നോടിയായി ദീപശിഖ ഇന്ന് പാലായില് പര്യടനം നടത്തുന്നു.ഇന്ന് വൈകുന്നേരം മുഖ്യമന്ത്രി പിണറായി വിജയനാണ് കായികോത്സവം ഉദ്ഘാടനം ചെയ്യുക.ഇതിനായുള്ള ഒരുക്കങ്ങളെല്ലാം പാലായില് പൂര്ത്തിയായി. 95 ഇനങ്ങളില് പങ്കെടുക്കാന് 2558 വിദ്യാര്ത്ഥികളാണ് കായികോത്സവത്തിന് എത്തുന്നത്.
ദൂര ജില്ലകളില് നിന്നുള്ള കായിക താരങ്ങളെല്ലാം പാലായില് എത്തിക്കഴിഞ്ഞു. ഇവരെ വരവേല്ക്കാന് കോട്ടയം റെയില്വേ സ്റ്റേഷനില് പുതിയ സ്വാഗത സംഘം ഓഫീസും തുറന്നു.രജിസ്ട്രേഷന്, താമസം, ഭക്ഷണം എന്നിവയെല്ലാം താരങ്ങള്ക്കായി ഒരുക്കിക്കഴിഞ്ഞു. പൂഞ്ഞാര് ജി.വ.ി രാജ സ്മൃതിമണ്ഡപത്തില്നിന്ന് ആരംഭിക്കുന്ന ദീപശിഖാ പ്രയാണത്തിന് മീനച്ചില് താലൂക്കിലെ വിവിധ സ്കൂളുകളില് സ്വീകരണം നല്കും.
വൈകിട്ട് 3ന് പാലാ കൊട്ടാരമറ്റം ബസ്സ്റ്റേഷന് ജംഗ്ഷനില് പൗരസ്വീകരണം നല്കും. തുടര്ന്ന് വിവിധ ബഹുജന സംഘടനകളുടെയും കായികാദ്ധ്യാപകര്, വിദ്യാര്ത്ഥികള്, കായികതാരങ്ങള് എന്നിവരുടെയും നേതൃത്വത്തില് ദീപശിഖാ റാലി ആരംഭിക്കും. റാലിക്ക് ശേഷം ജനറല് ആശുപത്രി ജംഗ്ഷനിലുള്ള ഓപ്പണ് സ്റ്റേജില് കലാപരിപാടികളും നടക്കും. നാളെ രാവിലെ 9ന് പതാക ഉയര്ത്തും.
തുടര്ന്ന് മത്സരങ്ങള് ആരംഭിക്കുമെങ്കിലും ഔദ്യോഗിക ഉദ്ഘാടനം വൈകിട്ട് നാലിനാണ് മുഖ്യമന്ത്രി പിണറായി വിജയന് നിര്വ്വഹിക്കുക. കായികതാരങ്ങളുടെ രജിസ്ട്രഷന് പാലാ സെന്റ്തോമസ് ഹയര്സെക്കണ്ടറി സ്കൂളില് ഇന്ന് രാവിലെ 11ന് ആരംഭിക്കും. കായികോത്സവം നടക്കുന്ന സ്റ്റേഡിയത്തിലും ഭക്ഷണശാല പ്രവര്ത്തിക്കുന്ന സെന്റ് തോമസ് ഹയര്സെക്കണ്ടറി സ്കൂളിലും പോലീസ് സുരക്ഷ ഉറപ്പാക്കും.
പോലീസ് അസോസിയേഷന്റെ നേതൃത്വത്തില് സ്റ്റേഡിയത്തിന് സമീപം കുടിവെള്ള വിതരണകേന്ദ്രവും സ്ഥാപിക്കും. കായിക താരങ്ങളുടെ താമസ സ്ഥലത്തും പോലീസ് നിരീക്ഷണം ഉണ്ടാകും.
https://www.facebook.com/Malayalivartha
