കൊച്ചിയില്‍ നടി ആക്രമിക്കപ്പെട്ട കേസിലെ അന്വേഷണം നിര്‍ണായക വ‍ഴിത്തിരിവിലെത്തി നില്‍ക്കുമ്പോ‍ഴാണ് പ്രതികരണവുമായി അന്വേഷണ സംഘത്തിലെ പ്രമുഖനും ആലുവ റൂറല്‍ എസ് പിയുമായ എ വി ജോര്‍ജ് രംഗത്തെത്തിയത്.

നടിയെ അക്രമിച്ച കേസിൽ ദിലീപിനെ ഒന്നാം പ്രതിയാക്കുന്നതിൽ അന്വേഷണ സംഘത്തിന് മേൽ സമ്മർദമില്ലെന്ന് ആലുവ റൂറൽ എസ്.പി എ.വി ജോർജ്. അന്വേഷണം അവസാനഘട്ടത്തിലാണ്. കൂടുതൽ പേരുടെ മൊഴി എടുക്കുമോയെന്ന കാര്യത്തിൽ ഇപ്പോൾ വെളിപ്പെടുത്താനാവില്ല. അന്വേഷണം പൂർത്തിയാക്കിയ ഉടൻ കുറ്റപത്രം സമർപ്പിക്കും. എന്നാൽ, അതെന്ന് സമർപ്പിക്കുമെന്ന കാര്യത്തിൽ തീരുമാനമായിട്ടില്ലെന്നും എ.വി ജോർജ് മാധ്യമങ്ങളോട് പറഞ്ഞു.

വ്യാഴാഴ്​ച രാത്രി എ.ഡി.ജി.പി ബി. സന്ധ്യയുടെ നേതൃത്വത്തിൽ കൊച്ചിയിൽ അന്വേഷണസംഘത്തി​​​​​​െൻറ നിർണായക യോഗം ചേർന്നിരുന്നു. ദിലീപിനെതിരായ തെളിവുകള്‍ യോഗം വിലയിരുത്തി. കുറ്റപത്രം സമർപ്പിക്കുന്നതുമായി ബന്ധപ്പെട്ട്​ കൂടുതൽ നിയമവശങ്ങൾ ആരായാനും തീരുമാനിച്ചിരുന്നു. ന​ടി​യെ ത​ട്ടി​ക്കൊ​ണ്ടു​പോ​യി ചി​ത്ര​ങ്ങ​ൾ പ​ക​ർ​ത്തി​യ പ​ൾ​സ​ർ സു​നി എന്ന സു​നി​ൽകു​മാ​ർ ര​ണ്ടാം പ്ര​തി​യാ​കും. നി​ല​വി​ൽ ഇയാൾ ഒ​ന്നാം​പ്ര​തി​യും ദി​ലീ​പ് 11ാം പ്ര​തി​യു​മാ​ണ്. കു​റ്റ​കൃ​ത്യ​ത്തി​ൽ പ​ങ്കെ​ടു​ത്ത​തി​ന്​ തു​ല്യ​മാ​ണ്​ ഗൂഢാ​േലാചന എന്ന നി​യ​മോ​പ​ദേ​ശ​ത്തി​‍​​​​​ന്റെ അ​ടി​സ്ഥാ​ന​ത്തി​ലാ​ണ്​ ദി​ലീ​പി​നെ ഒ​ന്നാം പ്ര​തി​യാ​ക്കുന്നത്​.

കൂട്ടമാനഭംഗം, തട്ടിക്കൊണ്ടുപോകൽ, ഗൂഢാലോചന, തെളിവുനശിപ്പിക്കൽ, പ്രതിയെ സഹായിക്കൽ, തൊണ്ടിമുതൽ സൂക്ഷിക്കൽ, ഭീഷണി, അന്യായമായി തടങ്കലിൽ​വെക്കൽ എന്നിവയും ഐ.ടി ആക്ട് പ്രകാരമുള്ള കുറ്റങ്ങളും ദിലീപിൽ ചുമത്തും. കൃത്യം നടത്താൻ ദിലീപ്​ ​​േ​നരിട്ട്​ മേൽനോട്ടം വഹിച്ചെന്നാണ്​ അന്വേഷണസംഘം കണ്ടെത്തിയിരിക്കുന്നത്​.

കുറ്റകൃത്യത്തിൽ നേരിട്ട്​ പങ്കാളികളായ മറ്റ്​ പ്രതികൾക്ക്​ നടിയോട്​ മുൻവൈരാഗ്യമുണ്ടെന്ന്​ കണ്ടെത്താനായില്ല. വൈരാഗ്യമുണ്ടായിരുന്നത്​ ദിലീപിനാണ്​. സുനിൽകുമാർ ദിലീപി​​​​​​​െൻറ നിർദേശങ്ങൾ അനുസരിക്കുക മാത്രമായിരുന്നെന്നാണ്​ അന്വേഷണസംഘത്തിന്റെ വിലയിരുത്തൽ.