ദിലീപ് തന്റെ ജാമ്യാപേക്ഷ വേളയിൽ മഞ്ജുവാര്യർക്കെതിരെ ആഞ്ഞടിച്ചിരുന്നു . തനിക്കെതിരെയുള്ള കേസുകൾ മഞ്ജുവും പ്രമുഖ സംവിധായകനും ചേർന്ന് കെട്ടിച്ചമച്ചതാണെന്ന് ദിലീപിന്റെ അഭിഭാഷകൻ കോടതിൽ പറഞ്ഞിരുന്നു. ഭാവിയിലെ വാദങ്ങൾക്കിടെ ഇരുവരും തമ്മിലുള്ള വിവാഹ മോചന കഥകളും വാദത്തിനിടെ കടന്നുവരുമെന്നാണ് കരുതുന്നത്.

ഇരുവരും വിവാഹ മോചന സമയത്ത് മാധ്യമങ്ങളിലൂടെ വിഴുപ്പലക്കില്ലെന്ന് നേരത്തെ തന്നെ പരസ്പര ധാരണയിൽ എത്തിയിരുന്നു. എന്നാൽ കൊച്ചിയിൽ നടി ആക്രമിക്കപ്പെട്ട കേസിൽ ദിലീപ് ജാമ്യമില്ലാതെ അകത്ത് കിടന്നതോടെ അത് ലംഘിക്കാന്‍ തുടങ്ങി. ഇനിയും കൂടുതൽ ഞെട്ടിപ്പിക്കുന്ന വെളിപ്പെടുത്തലുകൾ പുറത്തുവരുമെന്നാണ് ചില ഓൺലൈൻ മാധ്യമങ്ങൾ റിപ്പോർട്ട് ചെയുന്നത്.

ദിലീപും മഞ്ജുവുമായുള്ള വിവാഹമോചനത്തിന്റെ യഥാർത്ഥ കാരണങ്ങൾ പുറത്തു വിടാൻ സാധ്യതയെന്നാണ് ചില ഓൺലൈൻ മാധ്യമങ്ങൾ റിപ്പോർട്ട് ചെയ്യുന്നത്. ഗോസിപ്പ് കോളങ്ങളിൽ വന്ന കാവ്യയുമായി ദിലീപിനുണ്ടായിരുന്ന ബന്ധമായിരുന്നില്ല വിവാഹമോചനത്തിൽ കലാശിച്ചത്.ദിലീപിനും, മകൾ മീനാക്ഷിക്കും അറിയാവുന്ന ആ രഹസ്യം പുറത്തു വന്നാൽ വലിയ ഒരു ബോംബായിരിക്കും എന്നാണ് കരുതപ്പെടുന്നത്. മീനാക്ഷിയുടെ വിവാഹശേഷം മാത്രമേ പുറത്തു വിടൂ എന്ന ഉറപ്പിൽ ഇരുവരുടെയും ജോയിന്റ് ലോക്കറിൽ സൂക്ഷിച്ചിരിക്കുന്ന രേഖകൾ പുറത്തു വന്നാൽ ജനപ്രിയ നായകന് നഷ്ടപ്പെട്ട ഇമേജ് തിരിച്ചുപിടിക്കാം എന്നാണ് കണക്കു കൂട്ടൽ.

കോടതിയിൽ വരെ രഹസ്യമായി സൂക്ഷിച്ചിരിക്കുന്ന രേഖകളിൽ എന്താണ് എന്നതിനെക്കുറിച്ച് പല അഭ്യൂഹങ്ങളും പ്രചരിക്കുന്നുണ്ട്. പ്രായപൂർത്തിയാവാത്ത മകളെ പിതാവിനൊപ്പം അയച്ചത് അന്നു തന്നെ നിയമവൃത്തങ്ങളിൽ വലിയ ചർച്ചാ വിഷയമായിരുന്നു. അന്വേഷണോദ്യോഗസ്ഥയും മഞ്ജുവുമായുള്ള ബന്ധം ദിലീപ് ഇടക്ക് കോടതിയിൽ ചൂണ്ടിക്കാട്ടിയിരുന്നു.

നീണ്ട പതിനാലു വര്‍ഷത്തെ ദാമ്പത്യജീവിതത്തിനു ശേഷമായിരുന്നു ഇരുവരും വേര്‍പിരിഞ്ഞത്. കാവ്യാ ദിലീപ് ബന്ധം തന്നെയാണ് ഈ വിവാഹമോചനത്തിന്റെ കാരണമെന്ന് അന്ന് വാര്‍ത്ത‍ പരന്നിരുന്നു. ദിലീപ് കാവ്യയെ വിവാഹം ചെയ്തതോടെ ഈ വാര്‍ത്ത ഏറെക്കുറെ സത്യമാകുകയും ചെയ്തു.