തനിക്ക് പാമ്പ് കടിയേറ്റു അത്യാസന്ന നിലയിലാണെന്ന് പ്രചാരണങ്ങളെ തള്ളി വാവ സുരേഷ്. രണ്ടു ദിവസം കൊണ്ട് ഏതാണ്ട് 1500 കോളുകള്‍ തനിക്ക് വന്നെന്നും ഇത്തരം പ്രചാരണങ്ങള്‍ അവസാനിപ്പിക്കണമെന്നും വാവ സുരേഷ് പറഞ്ഞു. ഈ പ്രചാരണത്തെ തുടര്‍ന്ന് മെഡിക്കല്‍ കോളേജ് പരിസരത്തും ശ്രീകാര്യത്തെ വീടിനു മുന്നിലും ജനങ്ങള്‍ തടിച്ചു കൂടിയിരുന്നു. 

മൊബൈല്‍ ഫോണ്‍ പരിധിക്കു പുറത്തായതിനാല്‍ സംഭവം ശരിയാണെന്നായിരുന്നു ജനങ്ങള്‍ വിശ്വസിച്ചത്. 10 വര്‍ഷം മുന്‍പ് തന്നെ പാമ്പ് കടിക്കുന്ന വീഡിയോ ആരോ ഗൂഢ ലക്ഷ്യത്തോടെ വാട്‌സാപ്പിലും സോഷ്യല്‍ മീഡിയയിലും പ്രചരിപ്പിക്കുകയാണ്. 

തന്റെ നാശം ആണ് ഇവരുടെ ലക്ഷ്യം. ഇത്തരത്തിലുള്ള പ്രചാരണത്തിനെതിരെ സൈബര്‍ സെല്ലിലും പോലീസിലും പരാതി നല്‍കാന്‍ തീരുമാനിച്ചതായും വാവ സുരേഷ് വ്യക്തമാക്കി.തനിക്കൊന്നും സംഭവിച്ചിട്ടില്ലെന്നും ഇത് വ്യാജ പ്രചരണമാണെന്നും സുരേഷ് പറഞ്ഞു.