മുന്‍ മുഖ്യമന്ത്രി ഉമ്മന്‍ ചാണ്ടിയുടെ പൊളിറ്റിക്കല്‍ സെക്രട്ടറിയായിരുന്ന കെ.എസ്. വാസുദേവ ശര്‍മ (82) അന്തരിച്ചു. സംസ്‌കാരം വ്യാഴാഴ്ച വൈകുന്നേരം മൂന്നിന് ചെങ്ങന്നൂര്‍ വെണ്‍മണി ശങ്കരനിലയത്തില്‍.

2004 2006, 2011 2016 എന്നീ കാലഘട്ടങ്ങളിലാണ് വാസുദേവ ശര്‍മ മുഖ്യമന്ത്രി ഉമ്മന്‍ ചാണ്ടിയുടെ പൊളിറ്റിക്കല്‍ സെക്രട്ടറിയായി പ്രവര്‍ത്തിച്ചത്. മുന്നാക്ക ക്ഷേമ കമ്മീഷന്‍ അംഗമാണിപ്പോള്‍. സംസ്ഥാന സഹകരണ ബാങ്ക് പ്രസിഡന്റ്, കെ.എസ്.എഫ്.ഇ ചെയര്‍മാന്‍, ആലപ്പുഴ ഡി.സി.സി പ്രസിഡന്റ് എന്നീ നിലകളിലും പ്രവര്‍ത്തിച്ചിട്ടുണ്ട്.

ഡി. ശ്രീദേവിക്കുട്ടി അന്തര്‍ജനം (റിട്ട. ഹൈസ്‌കൂള്‍ ഹെഡ്മിസ്ട്രസ്) ആണു ഭാര്യ. മക്കള്‍: വി. ശങ്കരന്‍കുട്ടി ( തിരുവിതാംകൂര്‍ ദേവസ്വം ബോര്‍ഡ് ചീഫ് എന്‍ജിനിയര്‍, ജനറല്‍), ആര്യാദേവി .