ഒാഖി അതിശക്​തമായ ചുഴലികൊടുങ്കാറ്റായി മാറുമെന്ന്​ ഇന്ത്യന്‍ കാലാവസ്​ഥാ പഠനകേന്ദ്രത്തി​​െന്‍റ പ്രവചനം. അടുത്ത 24 മണിക്കൂറിനുള്ളില്‍ കൂടുതല്‍ ശക്​തി പ്രാപിച്ച്‌​ പടിഞ്ഞാറ്​- വടക്കു പടിഞ്ഞാറ്​ ദിശയില്‍ സഞ്ചരിക്കുമെന്നും കാലാവസ്​ഥാ പഠനകേന്ദ്രത്തി​ന്റെ മുന്നറിയിപ്പില്‍ പറയുന്നു.

മണിക്കൂറില്‍ 100-110 കിലോമീറ്റര്‍ വേഗതയില്‍ സഞ്ചരിക്കുന്ന ചുഴലിക്കാറ്റ്​ അടുത്ത 12 മണിക്കൂറിനുള്ളില്‍ ലക്ഷദ്വീപിലെ വടക്കന്‍ ദ്വീപുകളില്‍ മണിക്കൂറില്‍ 120 കിലോമീറ്റര്‍ വേഗതയില്‍ ആഞ്ഞടിക്കാനും സാധ്യതയുണ്ട്​. പിന്നീട്​ വടക്കന്‍ മഹാരാഷ്​ട്ര, ഗുജറാത്ത്​ സംസ്​ഥാനങ്ങള്‍ക്ക്​ നേരെ തിരിയുന്ന ചുഴലിക്കാറ്റിന്​ സാവധാനം ശക്​തി കുറയുമെന്നാണ്​ കരുതുന്നത്​.
അടുത്ത 24 മണിക്കൂറില്‍ കേരളത്തിലും ലക്ഷദ്വീപിലും ശക്​തമായ മഴക്കും സാധ്യതയുണ്ട്​. 48 മണിക്കൂറിനുള്ളില്‍ മത്​സ്യത്തൊഴിലാളികള്‍ കടലില്‍ പോകരുതെന്നും കാലാവസ്​ഥാ പഠനകേന്ദ്രം മുന്നറിയിപ്പ്​ നല്‍കി.പ്രതിരോധമന്ത്രി നിര്‍മല സീതാരാമന്‍ വിവരങ്ങള്‍ അന്വേഷിച്ചിരുന്നതായി നാവിക സേനാ മേധാവി അഡ്​മിറല്‍ ലാംബ അറിയിച്ചു.അതിനിടെ, ലക്ഷദ്വീപിലേക്കുള്ള കപ്പല്‍ റദ്ദാക്കിയതിനാല്‍ നിരവധി പേര്‍ കൊച്ചിയിലും ബേപ്പൂരിലും കുടുങ്ങിയിരിക്കുകയാണ്​.