എട്ട് ദിവസം പ്രായമുള്ള കുഞ്ഞിന്റെ കൊലപാതകവുമായി ബന്ധപ്പെട്ട് അമ്മയെ പൊലീസ് അറസ്റ്റ് ചെയ്തു. പിഞ്ചുകുഞ്ഞിനെ കഴുത്ത് ഞെരിച്ചു കൊന്ന സംഭവത്തിൽ കട്ടപ്പന മുരിക്കാട് സ്വദേശി സന്ധ്യയാണ് അറസ്റ്റിലായത്.

ശ്വാസം മുട്ടിയാണ് കുഞ്ഞ് മരിച്ചതെന്ന് പോസ്റ്റ്മോർട്ടത്തിൽ നിന്നും സുചന ലഭിച്ചിരുന്നു. തുടർന്ന് നടന്ന ചോദ്യം ചെയ്യലിൽ ശനിയാഴ്ച രാവിലെയാണ് സന്ധ്യയെ അറസ്റ്റ് ചെയ്തത്.

വ്യാഴാഴ്ച രാവിലെയാണ് ബിനു- സന്ധ്യ ദമ്പതികളുടെ കുഞ്ഞിനെ വീട്ടിൽ മരിച്ച നിലയിൽ കണ്ടെത്തിയത്. കുഞ്ഞിന്റെ കഴുത്തിൽ പാടും മുറിവും കണ്ടതിനെ തുടർന്ന് പൊലീസ് അസ്വഭാവിക മരണത്തിന് കേസെടുത്തിരുന്നു.