സണ്ണി ലിയോണിന്റെ കോണ്ടത്തിന്റെ പരസ്യത്തിനെതിരെ ഒരു വിഭാഗം രംഗത്ത്
സണ്ണി ലിയോണ് അഭിനയിച്ച കോണ്ടത്തിന്റെ പരസ്യം കുട്ടികളെ വഴി തെറ്റിക്കുന്നതായി പരാതി. കുടുംബവുമായി ടിവിയ്ക്ക് മുന്പില് സമയം ചെലവഴിക്കുന്ന സമയത്ത് ഇത്തരം പരസ്യങ്ങള് വരുന്നത് കുടുംബ ബന്ധങ്ങളുടെ മഹത്വത്തിന് കോട്ടം വരുത്തുന്നതായി കാണിച്ച് നിരവധി ഉപഭോക്താക്കള് സ്റ്റാന്ഡേഡ്സ് കൗണ്സില് ഓഫ് ഇന്ത്യ (എഎസിഐ) യ്ക്ക് പരാതി നല്കിയത്.
അതേസമയം ദ്യശ്യ മാധ്യമങ്ങളില് ഗര്ഭനിരോധന ഉറകളുടെ പരസ്യം നല്കുന്നതിന് സമയപരിധി നിശ്ചയിക്കുന്നതിന്റെ സാധ്യത തേടി അഡ്വര്ടൈസിങ് സ്റ്റാന്ഡേഡ്സ് കൗണ്സില് ഓഫ് ഇന്ത്യ കേന്ദ്രസര്ക്കാരിനെ സമീപിച്ചു. നേരത്തെ, സംഘപരിവാര് സംഘടനകളും സണ്ണി ലിയോണിന്റെ കോണ്ടം പരസ്യത്തിന് എതിരെ രംഗത്തുവന്നിരുന്നു.
മുതിര്ന്നവര്ക്ക് മാത്രമായി ഇത്തരം പരസ്യങ്ങളുടെ സമയം ക്രമീകരിക്കണമെന്നും വിവിധ പരാതികളില് പറയുന്നു. ഇതിനാവശ്യമായ നിര്ദേശങ്ങള് നല്കണമെന്നാവശ്യപ്പെട്ടാണ് സംഘടന കേന്ദ്രത്തെ സമീപിച്ചത്.
പ്രമുഖ ബോളിവുഡ് നടിയായ സണ്ണി ലിയോണ് അഭിനയിച്ച കോണ്ടത്തിന്റെ പരസ്യചിത്രം ഉള്പ്പെടെയുളളവ ഉദാഹരണങ്ങളായി ചൂണ്ടികാണിച്ചാണ് പരാതികള് ഏറെയും ലഭിച്ചിരിക്കുന്നത്. പക്ഷിമൃഗാദികളെ സംബന്ധിച്ച് സംശയങ്ങള് ചോദിയ്ക്കേണ്ട ഇളം പ്രായത്തില് കുട്ടികള് 60 സെക്കന്ഡ് നീണ്ടുനില്ക്കുന്ന പരസ്യചിത്രം കാണുന്നത് അവരുടെ മാനസിക വളര്ച്ചയെ ബാധിയ്ക്കുമെന്ന് സണിലിയോണിയുടെ പരസ്യചിത്രത്തെ അടിസ്ഥാനമാക്കി പരാതിയില് പറയുന്നു.
https://www.facebook.com/Malayalivartha
