നിലപാടുകൾ വ്യക്തമാക്കുകയും സാമൂഹിക വിഷയങ്ങളിൽ പ്രതികരിക്കുകയും ചെയ്യുന്ന നടനാണ് അലൻസിയർ. നാട്ടിൽ നടക്കുന്നത് എന്താണെന്ന് വിളിച്ചു പറയേണ്ട ഉത്തരവാദിത്വം ഓരോ കലാകാരനുമുണ്ടെന്നും ഭരണാധികാരികള്‍ക്കും ഭരണകൂടത്തിനും ഭ്രാന്ത് പിടിക്കുമ്പോൾ കലാകാരന്മാര്‍ക്കും ഭ്രാന്ത് പിടിക്കേണ്ടതുണ്ടെന്നും അലൻസിയർ ഐ എഫ് എഫ് കെ ഓപ്പൺ ഫോറത്തിൽ വ്യക്തമാക്കി.

താരങ്ങൾ ആകാശത്താണെന്നും അവർക്ക് തെരുവിൽ വരാൻ പേടിയാണെന്നും അദ്ദേഹം പറഞ്ഞു. താൻ ഒരു നടനാണ് പക്ഷെ താരമല്ല മണ്ണിൽ ചവിട്ടി നിൽക്കുന്ന തെരുവിൽ ജീവിക്കുന്ന ഒരു നടനാണ് താനെന്നും ഒരു സംഘിയും തന്നെ ദേശസ്നേഹം പഠിപ്പിക്കേണ്ടതില്ലെന്നും അലന്‍സിയര്‍ കൂട്ടിച്ചേര്‍ത്തു.