ഞങ്ങള്ക്ക് ഈ ജോലി വേണ്ട...ശമ്പളവുമില്ല,പെന്ഷനുമില്ല, കെഎസ്ആര്ടിസിയില് 606 പേര് ജോലി രാജിവച്ചു
കടുത്ത പ്രതിസന്ധിയിലേക്ക് കൂപ്പുകുത്തുന്ന കെഎസ്ആര്ടിസിയെ കൂടുതല് പ്രതിസന്ധിയിലാക്കി 606 പേര് ജോലി രാജിവച്ചു. മറ്റുള്ള വകുപ്പുകളിലും മികച്ച ശമ്പളമുള്ള മറ്റു ജോലികളും ലഭിച്ചവരാണു രാജിവയ്ക്കാന് അനുമതി തേടിയത്.
ഇത്രയുംപേര് കെഎസ്ആര്ടിസിയെ ഉപേക്ഷിക്കുന്നതു ചരിത്രത്തിലാദ്യ സംഭവമാണെന്നാണു റിപ്പോര്ട്ട്. ശമ്പളം സ്ഥിരമായി മുടങ്ങുന്നതും പെന്ഷന് കിട്ടാതാകുമെന്ന ആശങ്കയുമാണു ജീവനക്കാരെ മറ്റു ജോലികള് തേടാന് പ്രേരിപ്പിക്കുന്നത്. ഇവരുടെ രാജി മാനേജ്മെന്റ് അംഗീകരിച്ചിട്ടുണ്ട്.
അതേസമയം, മറ്റു ജോലികള് കിട്ടിയവരാണു രാജിവയ്ക്കുന്നതെന്നതെന്നാണ് മാനേജ്മെന്റിന്റെ നിലപാട്. ജീവനക്കാര് അധികമുണ്ടെന്നു തോന്നാന് കാരണമിതാണെന്നും അവര് പറയുന്നു. സാധാരണ മറ്റൊരു സര്ക്കാര് ജോലി ലഭിക്കുമ്പോള് ഈ സ്ഥാപനത്തില്നിന്നു പലരും രാജിവയ്ക്കാറുണ്ട്. അങ്ങനെ എല്ലാ മാസവും കുറഞ്ഞതു 10 പേരെങ്കിലും രാജി വയ്ക്കാറുണ്ടെന്നുമാണു വിശദീകരണം.
അസിസ്റ്റന്റ് ഡിപ്പോ എന്ജിനീയര്, കണ്ടക്ടര്, െ്രെഡവര്, മെക്കാനിക്ക് ഗ്രേഡ് 2, ബ്ലാക്സ്മിത്, പെയിന്റര്, ജൂനിയര് അസിസ്റ്റന്റ്, ഗാര്ഡ്, പ്യൂണ്, സ്റ്റോര് ഇഷ്യൂവര് എന്നീ തസ്തികകളില് ഉള്ളവരാണു രാജിവച്ചത്. ഇവര് വിവിധ കാലയളവില് രാജിവച്ചവരായിരുന്നു. എന്നാല് ഇവരുടെ രാജി അപേക്ഷ സ്വീകരിക്കാതെ നീട്ടികൊണ്ടു പോയതായി ശ്രദ്ധയില്പ്പെട്ടതിനെ തുടര്ന്നാണു നടപടി കെഎസ്ആര്ടിസി അധികൃതര് വ്യക്തമാക്കുന്നു.
https://www.facebook.com/Malayalivartha
