പുതിയ ഫോണില് 97 രൂപക്ക് റീചാര്ജ് ചെയ്താല് 365 ദിവസം വാലിഡിറ്റി, 28 ദിവസത്തേക്ക് രാജ്യവ്യാപകമായി സൗജന്യ കോള്
തിരുവനന്തപുരം: ബി.എസ്.എന്.എല്ലിന്റെ ഫോര്ജി സേവനം സാധാരണക്കാര്ക്കും. മൈക്രോമാക്സുമായി ചേര്ന്നാണ് പുതിയ പദ്ധതി നടപ്പാക്കുന്നത്. ഇതിനുള്ള പുതിയ ഫോണും പ്ലാനും അവതരിപ്പിച്ചു. ബി.എസ്. എന് എല്ലും, മൈക്രോമാക്സും സംയുക്തമായി നടപ്പിലാക്കുന്ന ഭാരത് വണ് പദ്ധതിയുടെ ഭാഗമായി പുറത്തിറക്കിയ മൈക്രോമാക്സ് ഫോര് ജി ഫോണ്, മൈക്രോമാക്സ് കേരള സര്ക്കിള് ഹെഡ് രന്ജിത്ത് തോമസ് ബി.എസ്.എന്.എല് ചീഫ് ജനറല് മാനേജര് ഡോ. പി.റ്റി മാത്യുവിന് നല്കി പുറത്തിറക്കി.
ഈ ഫോണില് ബി.എസ്.എന്.എല്ലിന്റെ പ്രത്യേക പ്ലാനായ 97 രൂപക്ക് റീചാര്ജ് ചെയ്താല് 365 ദിവസം വാലിഡിറ്റി ലഭിക്കും. കൂടാതെ മാസം 97 രൂപക്ക് റീചാര്ജ് ചെയ്താല് 28 ദിവസത്തേക്ക് രാജ്യവ്യാപകമായി സൗജന്യ കോളും ചെയ്യാനാകും. അണ്ലിമിറ്റഡ് ഡാറ്റയും ലഭിക്കും ( അഞ്ച് ജി ബിക്ക് ശേഷം സ്പീഡ് 80 എം.പി.പി.എസ്) 10 എസ് എം.എസും സൗജന്യവുമായിരിക്കും. ബി.എസ്.എന് എല് ആസ്ഥാനത്ത് നടന്ന ചടങ്ങില് ബി.എസ്.എന് എല് ജനറല് മാനേജര് ഡോ.എസ്.ജ്യോതി ശങ്കര്, സീനിയര് ജനറല് മാനേജര് ഐ.തിരുനാവുക്കറസു, ജനറല് മാനേജര് എന്.കെ.സുകുമാരന് തുടങ്ങിയവര് പങ്കെടുത്തു.
https://www.facebook.com/Malayalivartha
